ءۇندىستان تۇرعىنى سمارتفونمەن سويلەسىپ تۇرعاندا تەلەفون جارىلعان. وقيعادان تۇرعىن كوز جۇمدى. بۇل جايىندا Daily Mail جازادى.
18 جاستاعى ۋما ورام Nokia ماركالى تەلەفونىن قۋات كوزىنە قوسقان. وتباسى مۇشەلەرىنىڭ بىرىمەن قۋات كوزىنە قوسىپ سويلەسىپ وتىرعان. الايدا قاتتى داۋىس شىعىپ، بويجەتكەن ەسىنەن تانىپ قالعان.
جارىلىستان ۋمانىڭ كەۋدە تۇسى، قولى مەن اياقتارىن كۇيىك شالعان. وقيعا ورنىنا كەلگەن دارىگەرلەر بويجەتكەننىڭ ءولىمىن حابارلادى.
بويجەتكەننىڭ اعاسىنىڭ ايتۋىنشا، جارىلعان تەلەفون 2010 جىلى شىققان Nokia 5233 بولعان.
كومپانيا قىزدىڭ وتباسىنا كوڭىل ايتتى.
پىكىر قالدىرۋ