استانانىڭ ىشكى ىستەر دەپارتامەنتى 23 جاستاعى بويجەتكەندى سەكسۋالدى قۇلدىق ءۇشىن 80 مىڭ تەڭگەگە ساتىپ جىبەرگەن 33 جاستاعى ەر ادامدى ۇستادى، دەپ جازادى Qamshy.kz اقپارات اگەنتتىگى ءىىم باسپا ءسوز قىزمەتىنە سىلتەمە جاساي وتىرىپ.

33 جاستاعى ەر ادام 1994 جىلعى سىبايلاسىمەن بىرىگىپ، 23 جاستاعى قىزدى سەكسۋالدى قۇلدىق ءۇشىن 80 000 تەڭگەگە ساتىپ جىبەرگەن. اتالعان فاكتى ق ر قك 128-بابى (ادام ساۋداسى) بويىنشا سوتقا دەيىنگى تەرگەۋدىڭ ءبىرىڭعاي تىزىمىنە تىركەلدى. 

سونداي-اق، ءىىم اقپاراتىنشا، الماتى قالاسىندا قىزداردى الداپ، سەكسۋالدى قۇلدىق ءۇشىن باسقا وبلىستارعا جىبەرۋمەن اينالىسقان ءبىر توپ ادام ۇستالدى. كۇدىكتىلەر 26 مەن 45 جاس ارالىعىندا. قك-نىڭ 128-بابى (ادام ساۋداسى) بويىنشا قىلمىستىق ءىس قوزعالدى.

ىشكى ىستەر ورگاندارىنىڭ ارنايى مەكەمەلەرىنە جەكە باسىن انىقتاۋ ءۇشىن 20 ادام (ق ر ازاماتتارى – 11، تمد ەلدەرىنىڭ ازاماتتارى – 9) جەتكىزىلدى.

ىشكى ىستەر مينيسترلىگى 14-16 ناۋرىز ارالىعىندا رسەپۋبليكا اۋماعىندا ادام ساۋداسىنا بايلانىستى قىلمىستاردىڭ الدىن الۋعا، جولىن كەسۋگە، انىقتاۋعا جانە اشۋعا باعىتتالعان «SتOP ترافيك» جەدەل-پروفيلاكتيكالىق ءىس-شاراسى وتكەنىن حابارلادى.

 شارا بارىسىندا 51 قىلمىستىق زاڭ بۇزۋشىلىق انىقتالدى، ونىڭ ىشىندە:

— 1 – قاناۋ ماقساتىندا زاڭسىز باس بوستاندىعىنان ايىرۋ (قك-نىڭ 126-بابى)؛

—  4 – ادام ساۋداسى (قك-نىڭ 128-بابى)؛  

—  1 – كامەلەتكە تولماعاندى ساۋدالاۋ (قك-نىڭ 135-بابى)؛  

—  6 – جەزوكشەلىكپەن اينالىسۋعا تارتۋ (قك-نىڭ 308-بابى)؛  

— 39 – جەزوكشەلىكپەن اينالىسۋ ءۇشىن پريتون ۇيىمداستىرۋ نەمەسە ۇستاۋ جانە جەڭگەتايلىق ءۇشىن (قك-نىڭ 309-بابى).   

سونداي-اق قوعامدىق ورىنداردا ءتيىسۋ بويىنشا (اقبتك-نىڭ 449-بابى) 81،  جەزوكشەلىكپەن اينالىسۋ جانە جەڭگەتايلىق ءۇشىن ءۇي-جايلار ۇسىنۋ بويىنشا (اقبتك-نىڭ 450-بابى) 16 اكىمشىلىك قۇقىق بۇزۋشىلىق تىركەلدى.