«ءاز ناۋرىز» مەرەكەسى– قازاق حالقىنىڭ عانا ەمەس ەڭسەسى بيىك ەگەمەندى ەلىمىزدە تۇراتىن باسقا دا ۇلت وكىلدەرى دۇبىرلەتىپ تويلايتىن، ساعىنا توساتىن ۇلىق مەرەكەسى بولىپ سانالادى. بۇل كوكتەمنىڭ اتاۋلى مەرەكەلەرىنىڭ ءبىرى جانە بىرەگەيى، جاڭاشا ءومىر سىيلايتىن مەرەكە دەپ سانالادى. قازىرگى كۇنتىزبە بويىنشا كۇن مەن ءتۇننىڭ تەڭەسىپ، جىڭىشكەنىڭ ءۇزىلىپ، جۋاننىڭ جىڭىشكەرگەن ۋاقىتى - 22 ناۋرىز.

وسىناۋ ەل مەن ەلدى ىنتىماق پەن بىرلىككە ۇمتىلدىراتىن مەيرام اۋدانىمىزدا اعىمداعى جىلدىڭ 21 ناۋرىزى كۇنى اباي داڭعىلى بويىندا دۋمانداتىپ وتكىزىلدى. ءدۇيىم ەل-جۇرتىمەن جينالعان ءدۇبىرلى تويدىڭ سالتاناتتى ساحناسىندا ناۋرىزباي اۋدانى اكىمى سايفەدەنوۆ سايران تاپەن ۇلى اعىنان جارىلىپ، جينالعان جۇرتشىلىققا اق تىلەگىن جەتكىزدى:

ول ءوز سوزىندە: «قازاق ەلى بۇدان دا سۇراپىل سىنداردى ەڭسەرىپ، بيىك اسۋلاردى باعىندىرعان، سابىر ساقتاپ، ىنتىماق-بىرلىگىن بەكىتە تۇسكەن. قيىندىقتاردى بىرلەسە جەڭىپ وتىرعان. اتا-بابالارىمىز ەش ۋاقىتتا جەتىمىن جىلاتپاعان، جەسىرىن قاڭعىتپاعان، السىزگە كومەكتەسىپ، قۇلاعاندى قولتىعىنان سۇيەگەن، السىزدەرگە قولۇشىن بەرىپ، قولداۋ بىلدىرگەن. وسىنداي شەشۋشى شاقتا بەلدى بەكەم بۋىپ، تاۋەلسىزدىك تۋىنىڭ توڭىرەگىنە تىعىز توپتاسىپ، كەلەشەكتەگى كەمەل كۇندەرگە ءبىر ءۇيدىڭ بالاسىنداي، ءبىر قولدىڭ سالاسىنداي بولىپ ۇمتىلۋىمىز قاجەت» -دەپ اتاپ ءوتتى.

جاڭا اۋداندا جاڭاشا، كەڭ كولەمدەگى «ءاز ناۋرىز» مەرەكەسى اتالاپ ءوتتى. 16 قاناتتى، 12 قانات جانە 10، 8 قاناتتى اقشاڭقان استانا قالاسىنىڭ 20-جىلدىعىنا وراي 20 قازاق ءۇيى تىگىلىپ، ءاربىر كيىز ۇيگە اۋىل اتتارى بەرىلىپ، ءار اق وتاۋدىڭ الدىندا ۇلتتىق قۇندىلىقتارىمىزدى دارىپتەيتىن قازاقتىڭ قاسيەتتى سالت-داستۇرلەرى، اتاپ ايتقاندا «تۇساۋ كەسۋ»، «سىرعا سالۋ»، «قۇدا ءتۇسۋ»، «قىز ۇزاتۋ»، «سىڭسۋ ايتۋ»، «كەلىن ءتۇسىرۋ»، «جار-جار»، بەتاشار»، «شىلدەحانا»، «بەسىككە سالۋ»، «قىرقىنان شىعارۋ» جانە ت.ب. قازاقي سالت-داستۇرلەر كوپشىلىككە ۇسىنىلىپ، تاماشالاندى.

ءتورت ساعاتتىق كونسەرتتىك باعدارلاما بارىسىندا 50-گە جۋىق ءارتىس ونەر كورسەتىپ، 5000-نان اسا اۋدان تۇرعىندارى مەن قوناقتارى ارنايى اق داستارحاننان ءدام تاتىپ، قاسيەتى مول «ناۋرىز كوجە» ءىشىپ، مارە-سارە بولىستى. مەرەكە اۋدان اكىمىنىڭ «تۇساۋ كەسەر» داستۇرىمەن شىنايى تۇردە ءسابيدىڭ تۇساۋىن كەسۋىمەن باستاۋ الدى.

سونىمەن قاتار «ارقان تارتىس، تۇماق ۇرۋ، جامبى اتۋ» سىندى سپورتتىق ءىس-شارالار ۇيىمداستىرىلىپ، جەڭىمپازدارعا اۋدان اكىمىنىڭ «العىس حاتى» جانە سىيلىقتارى تارتۋ ەتىلدى.

اۋدان اكىمى اپپاراتىنىڭ باستاماسىمەن «ۇلىستىڭ ۇلى كۇنى – ءاز ناۋرىز-2018» اتتى ءتول مەرەكەسىنىڭ «ناۋرىز ناقىشتارى» باعالانىپ، بايگەگە «ەڭ ۇزدىك كيىز ءۇي»، «ەڭ ۇزدىك اق داستارحان»، «ەڭ ۇزدىك ءسالت-داستۇر» نوميناسيالارى تىگىلدى.