الماتى وبلىستىق ىشكى ساياسات باسقارماسى مەن وڭىرلىك كوممۋنيكاسيالار قىزمەتىنىڭ ۇيىمداستىرۋىمەن «Smart Zhetysu» جوباسى اياسىندا قوعام قايراتكەرى، ساياساتكەر، جۋرناليست ءامىرجان قوسانوۆ، بەلگىلى ساياساتتانۋشى ايدوس سارىم، جۋرناليست-ساراپشى نۇرلان نۇرعازينمەن كەزدەسۋ ءوتتى. العاشقى ءسوزدىڭ تىزگىنىن العان ءامىرجان ساعيدراحمان ۇلى ەلىمىزدە اتقارىلىپ جاتقان مەملەكەتتىك ماڭىزى بار وقيعالارعا توقتالدى.
«مەن ءوزىم سپيچرايتەرمىن، تەكستولوگپىن. وسى تۇرعىدان العاندا، ەلباسىنىڭ بيىلعى جولداۋى ەڭ ءالسىز جولداۋ بولدى دەپ ايتا الامىن. ونىڭ ءتۇرلى سەبەپتەرى بار». تالدىقورعاندا ستۋدەنت جاستارمەن كەزدەسكەن بەلگىلى ساياساتتانۋشى ايدوس سارىم بيىلعى جولداۋ تۋرالى ستۋدەنت ساۋالىنا وسىلاي دەپ جاۋاپ بەردى.
«ەلباسى جولداۋى تۋرالى سان ءتۇرلى پىكىرلەر ايتىلىپ جاتىر. جاقتاۋشىلار دا، داتتاۋشىلار دا بار. ءسىزدىڭ پىكىرىڭىز قانداي؟» دەگەن ساۋالدى ءى.جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋدەنتى اقمارال مامەت قويدى.
«ارينە، تۇسىنەم جىل سايىن تاڭ قالدىراتىن جولداۋ جاساۋ قيىن. الدىمەن العاشقى جولداۋلاردا قويىلعان ماقساتتارعا جەتىپ الۋىمىز كەرەك. سونان كەيىن عانا كەلەسى كەزەكتەگى مىندەتتەردى ورىنداۋىمىز شارت» دەيدى ساياساتتانۋشى. ايتۋىنشا، مۇنداي ماڭىزدى قۇجاتتار جىلدىڭ باسىندا ەمەس، سوڭىندا جاسالعانى دۇرىس. «بۇنداي ماڭىزدى ستراتەگيالاردى ورىنداۋ ءۇشىن اتقارۋشى بيلىككە ءتيىستى دەڭگەيدە دايىندىق كەرەك. ياعني، جىل باسىنا كەمى 2-3 اي قالعان ۋاقىتتا جولداۋ جاسالسا، كەلەسى جىلى سوعان سايكەس جوسپار دايىندالادى. سوندا جۇمىس ناتيجەلىرەك بولادى» دەپ اتاپ ءوتتى سپيكەر.
– «رۋحاني جاڭعىرۋ» باعدارلاماسىن حالىق قولداعانىمەن، ورىندالۋ بارىسىندا كەيبىر كەمشىلىكتەر بار. ونى اشىق ايتۋعا ءتيىسپىز. وعان ۇلتتىق، تاريحي، قوعامي جاۋاپكەرشىلىك تۇرعىسىنان قاراۋىمىز كەرەك. باعدارلامادا ۇلتتىق ۇستانىم، ۇستىن، قازاقتىڭ بولمىسىنا عانا ءتان نارسەلەر اشىق ايتىلعان. بۇل ۇلكەن گەوساياسي جاعدايداعى باتىل قادام جانە مەملەكەتتىك قۇرىلىمدارعا باعدار، – دەپ ناۋقانشىلىق بولماۋىن، كەيبىر جازۋشىلار 60، 70 جىلدىق مەرەيتويدى «رۋحاني جاڭعىرۋ» اياسىندا وتكىزىپ جاتقاندىعىن ايتتى. – مەن وعان قارسىمىن. كوزقاراس مەيىلىنشە سالماقتى، سارابدال جانە جاۋاپكەرشىلىكتى بولۋى قاجەت. ءبىز قازاق قوعامىمىز، ءبىزدىڭ كەلەشەگىمىز قازاق حالقىنىڭ ەرتەڭگى كۇنى. وسى باعىتتا ۇرپاق تاربيەلەۋ بارشامىزعا ارتىلعان مىندەت، – دەپ ويىن تۇيىندەدى. ايدوس ءامىروللا ۇلى بولسا، قوعامدا كوڭىلىنە جاقپايتىن جامان ءۇردىستىڭ، نەمقۇرايلىلىقتىڭ بارىن تىلگە تيەك ەتتى.
كەزدەسۋ بارىسىندا ءارتۇرلى سۇراق قويىلىپ، سوعان ساي تۇششىمدى جاۋاپ بەرىلدى. «رۋحاني جاڭعىرۋ» باعدارلاماسىن بۇقارا حالىققا ۇعىندىرۋ جولدارى باياندالىپ، وسى تۇرعىدا وسكەلەڭ ۇرپاقتى تاربيەلەۋ تەتىكتەرى مىسالعا كەلتىرىلدى.
– «رۋحاني جاڭعىرۋعا» وتە ءبىر جەڭىل كوزقاراسپەن قاراپ كەلە جاتقان سياقتىمىز. مودەرنيزاسيانى كەيبىر ازاماتتار «ەۋرورەمونت» دەپ تۇسىنەدى. ەشبىر ەل، قوعام مودەرنيزاسيانى جاقسىلاقتان جاسامايدى. ول ءتۇڭىلۋدىڭ، رۋحاني داعدارىستىڭ ناتيجەسىندە دۇنيەگە كەلەدى. جاقسى دامىعىمىز كەلسە، بۇگىنگى بولمىسىمىزداعى، تۇرمىسىمداعى ءبىراز نارسەدەن باس تارتۋعا ءماجبۇرمىز. وسىنى ىستەمەسەك، وندا كوپتەگەن جۇمىسىمىز ناتيجەسىز قالادى. مودەرنيزاسيا – ءومىر مەن ءولىمنىڭ تاڭداۋى. سۇرەڭسىز ءومىر ول دا ءولىم. باقىتسىز عۇمىر كەشۋ – ءولۋدىڭ ۇزاق مەرزىمدى ءتۇرى. ومىرگە دەگەن قۇلشىنىس، پايىم ارتقاندا عانا جەتىستىككە جەتەمىز. سوندىقتان رۋحاني كۇيزەلىستەردى دۇرىس قابىلداپ، ءتۇسىنۋىمىز كەرەك، – دەپ ەلگە ۇعىندىرۋ جولدارى، جاستاردىڭ ساناسىنا سەرپىلىس جاساۋ تۇرعىسىندا پىكىر ءبىلدىردى. ەلباسىنىڭ ماقالاسىندا ايتىلعان ۇلتتىق قۇندىلىققا قاتىستى تۇستاردى تەرەڭىنەن تۇسىندەرگەن نۇرلان نۇرعازين تاۋەلسىزدىك العالى بەرى قازاق ءتىلىنىڭ ءالى دە دامىماي جاتقاندىعىن جەتكىزدى. ول ءۇشىن الدىمەن ەل اعالارى وسى ماسەلەگە ءمان بەرۋ كەرەكتىگىن العا تارتتى، - دەپ تۇيىندەدى بەلگىلى ساياساتتانۋشى ايدوس سارىم.
