1ء-شى ناۋرىز – العىس ايتۋ كۇنىنە وراي بۇگىن تالدىقورعان قالاسى قوعامدىق كەلىسىم كەڭەسىنىڭ ءتورايىمى ساۋلە سۇلتان قىزى جانە قالا اكىمى اپپارات بولىمدەرى بىرلەسىپ، جاعدايى تومەن وتباسىلارىنا كومەك كورسەتتى.

يگى شارا «قايىرىمدى ەل» جالپى رەسپۋبليكالىق اكسياسى شەڭبەرىندە جۇزەگە اسىپ وتىر. ۇيىمداستىرۋشىلار وبلىس ورتالىعىندا ورنالاسقان «انالار ۇيىندە» بولىپ، ول جەردەگىلەرگە اقشالاي جاردەم كورسەتتى. سونىمەن قاتار، مۇمكىندىگى شەكتەۋلى بالالارعا جانە جاعدايى تومەن وتباسىلارعا دا ازىق تۇلىك، تۇرمىسقا قولداناتىن زاتتار بەرىلىپ، ماتەريالدىق كومەك بەرىلدى.

ايتالىق، يگى شارا قالامىزدا 20-شى اقپان كۇنى باستالعان، بۇگىن ءوز مارەسىنە جەتىپ وتىر. دەگەنمەن، ۇيىمداستىرۋشىلار الداعى ۋاقىتتا دا قايىرىمدىلىق شاراسىن جالعاستىرۋ جوسپارلارىندا بار ەكەنىن ايتادى.