«نۇر وتان» پارتياسىنىڭ  تالدىقورعان قالالىق  فيليالى جۇمىسىنا كوز جۇگىرتكەن ادام ونداعى  وتكىزىلىپ جاتقان شارالارعا شىن ريزالىق سەزىمىن بىلدىرەدى. مەملەكەتىمىزدە جۇرگىزىلىپ جاتقان ساياسي-الەۋمەتتىك جۇمىستاردىڭ قاي-قايسىسىنىڭ بولماسىن باسى - قاسىندا ءجۇرۋ پارتيانىڭ ەنشىسىندە. تالدىقورعان قالالىق  پارتيا  فيليالى ءتوراعاسىنىڭ ءبىرىنشى ورىنباسارى ءاسيا احمەتوۆا بىزگە  وتكەن جىلعى اتقارىلعان جۇمىستارمەن وي ءبولىسn3.

«نۇر وتان» پارتياسى تالدىقورعان قالالىق فيليالى 28 باستاۋىش  پارتيا ۇيىمىندا 11887 مۇشەنىڭ باسىن بىرىكتىرىپ وتىر. ونىڭ ىشىندە 30 جاسقا دەيىنگى جاستار 1923 بولسا، 8411ء-ى  ايەلدەردەن قۇرالعان. وسىعان قاراپ قوعامداعى ايەل ادامداردىڭ  بەلسەندىلىگىن كورۋگە بولادى.

تالدىقورعان قالالىق ءماسليحاتىندا «نۇر وتان» دەپۋتاتتىق فراكسياسىنىڭ «نۇرلى جول» باعدارلاماسىنىڭ جۇزەگە اسىرىلۋى جانە باقىلاۋ بويىنشا 5 كوميسسيا قۇرىلعان. «نۇرلى جول» مەملەكەتتىك باعدارلاماسى  بويىنشا كوميسسيا قۇرامىندا  35 مۇشە بار. تالدىقورعان قالاسىندا «نۇرلى جەر» مەملەكەتتىك  باعدارلاماسى اياسىندا بولىنگەن قارجىنىڭ ءتيىمدى ورىندالۋى ءجىتى باقىلاۋدا. قۇرىلىس نىساندارىنا اي سايىن رەيد جۇمىستارىن جۇرگىزىپ وتىرادى. «نۇرلى جول» مەملەكەتتىك باعدارلاماسى بويىنشا- 28   رەيدتىك شارالار جۇرگىزىلدى.

ءاسيا تۋرسىن قىزىنىڭ ايتۋىنشا، ەلباسى ن.نازاربايەۆتىڭ  حالىققا  ارناعان جولداۋىندا كورسەتىلگەن تاپسىرمالاردىڭ جۇزەگە اسىرىلۋىن ءبىلۋ ماقساتىندا باستاۋىش پارتيا ۇيىمدارىندا جينالىس، باسقوسۋلار ، سونداي-اق، 230 پارتيالىق توپتا وسىنداي شارالار ءوتتى. ونداعى  بيلىك تارماقتارىنا وزگەرىس ەنگىزۋ بويىنشا بەس ۇسىنىس وبلىستىق پارتيا فيليالىنا جولدانىپتى.

مەملەكەتتىك «نۇرلى  جەر»، «2017-2021 جىلدارعا ارنالعان  ناتيجەلى  جۇمىسپەن قامتۋدى جانە جاپپاي كاسىپكەرلىكتى دامىتۋ» جانە  «2017-2021 جىلدارعا ارنالاعان اگروونەركاسىپتىك كەشەندى دامىتۋ» باعدارلامالارى بويىنشا اقپاراتتىق-ناسيحات توبى مۇشەلەرىمەن تالقىلانعان.

     پارتيانىڭ «باقىتتى وتباسى-باقىتتى بالالىق شاق»، «ارداگەرلەردى ارداقتايىق!»، «سىبايلاس جەمقورلىق جوق ەل -وركەندەۋشى ەل»، «كەدەرگىسىز كەلەشەك»،  «جاستار وتانعا»، «ءساتتى قادام»، «اۋىل تۇرعىندارىن جۇمىسپەن قامتۋ»  جانە دە ءبىر باعىتى «ۇلى دالا قازىناسى» جوباسى  اياسىندا سۇبەلى  جۇمىستار اتقارىلدى.  بۇل شارالارعا 68 مىڭنان استام ادام قاتىسىپ، 320 ءىس-شارا  ۇيىمداستىرىلدى.

«ارداگەرلەردى ارداقتايىق»  جوباسى بويىنشا جەڭىس كۇنى مەرەكەسىنە وراي «ەرلىككە تاعزىم» اتتى ءار پارتيالىق توپتاردا  تاقىرىپتىق  شارالار وتكىزۋ، ارداگەرلەردى قۇتتتىقتاۋ  داستۇرگە اينالعان.

 «باقىتتى بالالىق شاق» پارتيالىق جوباسى اياسىندا وتباسى جاعدايى تومەن بالالارعا ارنالعان قايىرىمدىلىق شارالاردى توپتاستىرادى.

باستاۋىش پارتيا ۇيىمدارىندا 100% ماتەريالدىق-تەحنيكالىق بازامەن، بولمەمەن قامتىلعان. اعىمداعى جىلى «جارىق» باستاۋىش پارتيا ۇيىمى «ۇزدىك» باستاۋىش پارتيا ۇيىمى» بايقاۋىنىڭ وبلىستىق ىرىكتەۋ كەزەڭىندە 1 ورىن السا، رەسپۋبليكالىق بايقاۋدان – جۇلدەلى ورىن الدى.

تالدىقورعان قالالىق فيليالى «ۇزدىك قوعامدىق قابىلداۋ بولمەسى» بايقاۋىنىڭ وبلىستىق ىرىكتەۋ كەزەڭىنەن 1 ورىن، رەسپۋبليكادان جۇلدەلى ورىن الدى.

پارتيالىق باقىلاۋ جانە تالداۋ توبى مەملەكەتتىك باعدارلامالاردىڭ جۇزەگە اسىرىلۋى بويىنشا باقىلاۋ-مونيتورينگتىك شارالاردى ۇيىمداستىرۋدا. «وڭىرلەردى دامىتۋ»، «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ»، «ءتۇرعىن-ۇي سالاسىن جاڭعىرتۋ» سىندى ماڭىزدى باعدارلامالار بويىنشا ءتيىستى مەكەمەلەرگە ۇسىنىستار جولداندى.

وتكەن جىلدىڭ تاعى ءبىر كوڭىلگە قۋانىش ۇيالاتار ماڭىزدى جاڭالىعى- استانا قالاسىندا وتكەن رەسپۋبليكالىق پارتيا بايقاۋىندا   «ەڭ ۇزدىك قوعامدىق قابىلداۋ بولمەسى» اتالىمىندا-  تالدىقورعان قالالىق  پارتيا فيليالى جۇلدەلى  3- ورىندى قانجىعالاپ قايتتى.

2016 جىلدىڭ 11 ايىندا پارتيا جوبالارى اياسىندا بارلىعى 252 ءىس-شارا ۇيىمداستىرىلسا، اعىمداعى جىلعى مەرزىمدە 267 شارا ۇيىمداستىرىلدى. پارتيا جوبالارىنىڭ بۇقارالىق اقپارات قۇرالدارىنا جاريالاۋ بارىسى دا وڭ جولعا قويىلعان. تەلەارنا، گازەت، سايت، الەۋمەتتىك جەلىلەردە 2016 جىلى 267 جاريالانىم شىقسا، اعىمداعى جىلى 490 اقپارات جاريالاندى.

«ارداگەرلەردى ارداقتايىق» جوباسىنىڭ «قارتتارىم امان-ساۋمىسىڭ» ساۋالناما وتكىزۋ اياسىندا ارداگەرلەر، تىل ەڭبەككەرلەرىنىڭ ماسەلەلەرى انىقتالىپ، ولاردىڭ ىشىندە 14 ارداگەرگە ساناتورلىق-شيپاجايلىق جولداما بەرىلدى. 30 ارداگەرگە 180 000 تگ كولەمىندە دارى-دارمەك بەرىلدى. 23 ارداگەر، تىل ەڭبەككەرىنە مەديسينالىق الەۋمەتتىك قىزمەتكەر ءۇي جايىندا مەديسينالىق كومەك بەرۋ تاعايىندالدى.