م.تىنىشبايەۆ اتىنداعى وبلىستىق تاريحي-ولكەتانۋ مۋزەيىندە ەلباسىنىڭ رۋحاني جاڭعىرۋ باعدارلاماسى اياسىندا رەسەيلىك سۋرەتشى، ءمۇسىنشى، ارحيتەكتور مارگاريتا ۆاششەنكو سالعان قازاقتىڭ ءدۇلدۇل اقىنى سارا تاستانبەك قىزى بەينەلەنگەن مۇرالار سالتاناتتى جاعدايدا مۋزەي قورىنا تاپسىرىلدى.

تۋىندىلار جەتى اي بۇرىن ماسكەۋ قالاسىنان «ناق-بىرلىك» قوعامدىق ۇيىمىنىڭ تىكەلەي ات سالىسۋىمەن، باۋىرجان وسپانوۆ سىندى مەسەناتتاردىڭ ،اقىننىڭ شىعارماشىلىعىن دارىپتەيتىن ازاماتتاردىڭ ارقاسىندا ەلگە جەتكىزىلگەن بولاتىن. قازاقستان حالقىنىڭ اتىنان سول تۋىندىلاردى ەلگە اكەلۋ جاۋاپكەرشىلىگى «ناق-بىرلىك» قوعامدىق ۇيىمىنىڭ ءتورايىمى، الماتى وبلىسى انالار القاسىنىڭ مۇشەسى سالتانات مەڭلىبايەۆا مەن الماتى وبلىستىق قازاقستان حالقى اسسامبلەياسى حاتشىلىعىنىڭ باس مامانى ءابىلقايىر ورالوۆقا جۇكتەلگەن ەدى.

مۋزەي قورىنا تاپسىرىلعان جادىگەرلەردىڭ اراسىندا سۋرەتشىنىڭ ءتۇرلى بوياۋلارمەن سومداعان اقىن سارانىڭ 3 بەينەپورترەتى مەن ءبىرجان — سارانىڭ ايتىسى وتكەن (1871) «توعىزقۇمالاق» بوكتەرىنىڭ كورىنىستەرى سۋرەتتەلگەن بارلىعى 13 دانا تۋىندى، شاكارىم قۇدايبەردييەۆ پەن شوقان ءۋاليحانوۆتىڭ شاعىن بيۋستتەرى جانە باسقا دا قۇندى قۇجاتتار بار.

شاراعا قاتىسقان ازاماتتار اقىننىڭ دۇنيەگە كەلگەنىنە 165جىل تولۋ قارساڭىندا ورىن العان وڭ وقيعانىڭ تاريحي ماڭىزدىلىعىنا توقتالىپ، قۇندى دۇنيەلەردىڭ حالىققا كەڭىنەن ناسيحاتتالاتىنىنا سەنىم ءبىلدىردى.