الداعى كۇندەرى قاراعاندى، اقمولا، قوستاناي، سولتۇستىك قازاقستان، پاۆلودار، باتىس قازاقستان، اتىراۋ، اقتوبە، قىزىلوردا وبلىسىندا سۋ تاسقىنى بولادى دەپ حابارلايدى قازگيدرومەت.
26-30 ناۋرىزدا قاراعاندى، اقمولا، قوستاناي وبلىستارىندا، ال 26-27 ناۋرىزدا سولتۇستىك قازاقستان جانە پاۆلودار وبلىستارىندا كۇن جىلىنىپ، قاردىڭ ەرۋىنە بايلانىستى كەيبىر وزەندەردە سۋ دەڭگەيى كوتەرىلىپ، ارناسىنان اسۋى مۇمكىن.
25-30 ناۋرىزدا باتىس قازاقستان، اتىراۋ، اقتوبە وبلىستارىندا كۇن جىلىنىپ، جاۋىن-شاشىن تۇسۋىنە بايلانىستى كەيبىر وزەندەر ارناسىنان اسىپ، سۋدىڭ جايىلۋ ءقاۋپى بار. 25 ناۋرىزدا اقتوبە وبلىسىندا قاتتى جاڭبىر جاۋادى.
26 ناۋرىزدا اۋا تەمپەراتۋراسى ودان ءارى جوعارىلاۋىنا بايلانىستى سىرداريا وزەنىندە (قىزىلوردا وبلىسى) مۇز كەپتەلىپ، سۋ دەڭگەيى كوتەرىلىپ، تاسقىن بولۋى مۇمكىن.
