ەلوردا اكىمدىگىندە ساۋدا ورتالىقتارىنداعى قوسىمشا قاۋىپسىزدىك شارالارى مەن ادامدار كوپ جينالاتىن ورىندار تۋرالى تالقىلاندى، دەپ حابارلايدى Qamshy.kz اقپارات اگەنتتىگى استانا اكىمدىگىنىڭ رەسمي سايتىنا سىلتەمە جاساي وتىرىپ.

جيىن بارىسىندا استاناداعى ساۋدا ويىن-ساۋىق ورتالىقتارىنداعى ورتكە قارسى قاۋىپسىزدىك قالالىق اكىمدىگىنىڭ ۇنەمى باقىلاۋىندا ەكەندىگى اتاپ ءوتىلدى. استاناداعى توتەنشە جاعدايلار جونىندەگى دەپارتامەنتتىڭ مالىمەتىنشە، ەسەپتە تاۋەكەل دەڭگەيى جوعارى نىسانعا جاتاتىن 117 ساۋدا نىسانى بار، ونىڭ 83ء-ى ساۋدا ءۇيى، 9 - ساۋدا ويىن-ساۋىق ورتالىعى، 25ء-ى بازار.  2017 جىلى ەرەكشە تارتىپپەن 46 تەكسەرۋ جۇرگىزىلگەن.

تەكسەرۋ بارىسىندا كوشىرۋ جولدارىنىڭ جاعدايى، جارىق بەرۋشى  ەلەكتر جەلىلەرى مەن قۋات كوزدەرىنىڭ جاي-كۇيىنىڭ بولۋى، ءورتتى بايقايتىن اۆتوماتتى جۇيەنىڭ تۇزەتۋ جاعدايىنىڭ بولۋى، ىشكى جانە سىرتقى ورتكە قارسى سۋ جابدىعى مەن ەڭ ءبىرىنشى ءورت ءسوندىرۋ قۇرالدارىنىڭ ساقاداي ساي تۇرۋىنا باسا ءمان بەرىلدى.  9 وسو-نىڭ 6 تەكسەرىلدى. ءۇش ورتالىقتان 32 ەرەجە بۇزۋشىلىق انىقتالعان. اكىمشىلىك جاۋاپكەرشىلىككە 3 ادام تارتىلىپ، ايىپپۇل سالىندى.

ەكى وسو-دا اۋديت جۇرگىزىلدى، ال 1 نىسانعا  (Mega Silk Way Astana) تەكسەرۋ وسى جىلى جاسالادى. بيىل ەرەكشە تارتىپپەن استاناداعى 50 ساۋدا وبەكتىلەرىنە قاتىستى تەكسەرۋ جۇرگىزىلەدى. تەكسەرۋ كەزىندە قاۋىپسىزدىك تەحنيكالارى ەرەجەسىنىڭ ساقتالۋى، ءورت ءسوندىرۋ جۇيەسى مەن حابارلاندىرۋ، ەۆاكۋاسيا سحەماسى مەن اۆاريالىق شىعۋ جولدارىنا باسا ءمان بەرىلمەك.