مەملەكەت باسشىسى نۇرسۇلتان نازاربايەۆ قازاقستان حالقى اسسامبلەياسىنىڭ كەزەكتى سەسسياسىن شاقىرۋ تۋرالى وكىمگە قول قويدى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.
وكىمدە اسسامبلەيانىڭ كەزەكتى 26-ىنشى سەسسياسى 28 ءساۋىر كۇنى استانا قالاسىنداعى بەيبىتشىلىك جانە كەلىسىم سارايىندا وتەتىندىگى ايتىلعان. سەسسيا تاقىرىبى - «بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى».
قازاقستان رەسپۋبليكاسى پرەزيدەنتىنىڭ وكىمى
قازاقستان حالقى اسسامبلەياسىنىڭ جيىرما التىنشى سەسسياسىن شاقىرۋ تۋرالى
- قازاقستان حالقى اسسامبلەياسىنىڭ جيىرما التىنشى سەسسياسى 2018 جىلعى 28 ءساۋىر كۇنى استانا قالاسىنداعى بەيبىتشىلىك جانە كەلىسىم سارايىندا «بەس الەۋمەتتىك باستاما - قوعامنىڭ الەۋمەتتىك بىرلىگىنىڭ تۇعىرى» كۇن تارتىبىمەن شاقىرىلسىن.
- 2. قازاقستان رەسپبۋليكاسىنىڭ ۇكىمەتى قازاقستان حالقى اسسامبلەياسىنىڭ جيىرما التىنشى سەسسياسىن وتكىزۋدى ۇيىمداستىرۋ جونىندە شارالار قابىلداسىن.
قازاقستان رەسپۋبليكاسىنىڭ پرەزيدەنتى ن.نازاربايەۆ استانا، اقوردا، 2018 جىلعى 26 ناۋرىز №125
