سينوپتيكتەردىڭ اقپاراتىنا ساي، 26-30 ناۋرىزدا قاراعاندى وبلىسىنىڭ وزەندەرىندە اۋا تەمپەراتۋراسىنىڭ جىلىنۋىنا جانە قاردىڭ ەرۋىنە بايلانىستى وزەندەر ارناسىنان شىعىپ، سۋ تاسقىنى بولۋى مۇمكىن، دەپ حابارلايدى Qamshy.kz اقپارات اگەنتتىگى ءوڭىر باسشىسىنىڭ رەسمي سايتىنا سىلتەمە جاساي وتىرىپ.

«26 ناۋرىزدا نۇرا وزەنىندە سەل باستالدى. ناۋرىزدىڭ 22ء-سى مەن 23-ىندە جاۋىن-شاشىننىڭ قاتتى جاۋعانىنا بايلانىستى سۋ نۇرا وزەنىنىڭ باستاۋىنان كەلىپ جاتىر. الايدا سامارقان سۋ قويماسىنا دەيىن ول ءالى جەتكەن جوق. الداعى كۇندەرى اۋا تەمپەراتۋراسى تۇندە مينۋس بولسا، كۇندىز جىلى بولادى. مۇنداي جاعداي سۋ تاسقىنىنىڭ باياۋ جۇرەتىنىنە سەپتىگىن تيگىزەدى»، — دەپ مالىمدەدى «كازگيدرومەت» رمك قاراعاندى وبلىسى بويىنشا فيليالىنىڭ ديرەكتورى رومان اندريانوۆ.   

مامانداردىڭ ايتۋىنشا، وتكەن اپتادا قارداعى سۋدىڭ قورى ەكى ەسەگە دەيىن قىسقارعان ەكەن.  - سونىمەن قاتار بۇگىننەن باستاپ ناۋرىزدىڭ 30-نا دەيىن اۋا رايىنا قاتىستى ەسكەرتۋ جاريالانىپ وتىر. جاۋىن-شاشىن بولۋىنا بايلانىستى جەكە سەكتورلارداعى جەر ۇيلەرگە سۋ كەتۋ جانە اۆتوموبيل جولدارىندا سۋ ءجۇرۋ ءقاۋپى بار، — دەپ اتاپ ءوتتى رومان اندريانوۆ.