شىعىس قازاقستان وبلىسىنىڭ زىريان اۋدانىنا سارى قار جاۋدى دەپ جازادى Qamshy.kz اقپارات اگەنتتىگى sputniknews.kz سىلتەمە جاساي وتىرىپ. جەرگىلىكتى تۇرعىندار الەۋمەتتىك جەلىدە قاردىڭ سۋرەتىن جاريالادى. كەيبىرەۋلەر بۇعان كوممۋنالدىق قىزمەتتەردىڭ كوشەگە سەبەتىن تۇز بەن قۇم ارالاس قوسپاسى سەبەپ بولۋى مۇمكىن ەكەنىن ايتىپ جاتىر.
«ءبىز مۇنداي قوسپا جاسامايمىز، ونىڭ ۇستىنە سارى قار قالاعا عانا ەمەس، تاياۋ ماڭداعى اۋىلدارعا دا جاۋدى»، — دەيدى كوممۋنالدىق كاسىپورىننىڭ ديرەكتورى سەرگەي سميرنوۆ.
قوعامدىق دەنساۋلىقتى ساقتاۋ باسقارماسىنىڭ ماماندارى قاردىڭ نەلىكتەن سارى تۇسكە بويالعانىن وبلىس ورتالىعىنداعى زەرتحانادا انىقتاۋعا بولاتىنىن ايتقان.
وتكەن جۇمادا سارى ءتۇستى قار رەسەيدىڭ سوچي قالاسىنا جاۋدى. ماماندار مۇنى سولتۇستىك افريكاداعى شاڭدى داۋىلمەن بايلانىستىردى. قۇم تۇستەس قار ۋكراينانىڭ يزمايل قالاسىنا دا جاۋعان.
قازاقستانداعى ەرەكشە قاردىڭ وسى جاعدايلارمەن بايلانىس بار-جوعى ازىرگە بەلگىسىز.
