ەلىمىزدە مۇگەدەكتىكتى جانە ەڭبەك قابىلەتتىلىگىنەن ايىرىلۋ دەڭگەيىن بەلگىلەۋ پروسەدۋراسى جەڭىلدەتىلمەك، دەپ حابارلايدى 24.kz-كە سىلتەمە بەرىپ Qamshy.kz اقپارات اگەنتتىگى.

جاسىنا بايلانىستى زەينەتاقى تاعايىنداۋ، بازالىق زەينەتاقى مەن ءبىرىڭعاي جيناقتاۋشى زەينەتاقى قورىنىڭ تولەمدەرى بويىنشا قۇجاتتاردى قابىلداۋ «ءبىر ءوتىنىش» قاعيداسىمەن جۇزەگە اسىرىلادى. سونداي-اق ءوزىن-وزى جۇمىسپەن قامتىعان ازاماتتاردى مەملەكەتتىك كىرىستەر ورگانىنا تىركەۋ مەن ەڭبەك شارتتارىن ەسەپكە الۋ جۇيەسىنە ەندىرۋ ءىسى دە ءبىرشاما جەڭىلدەيدى. سونىمەن قاتار مۇگەدەكتىكتى بەلگىلەۋ، جاردەماقىلاردى تاعايىنداۋ جانە ەڭبەك ەتۋ قابىلەتىنەن ايىرىلعان جاعدايدا الەۋمەتتىك تولەم الۋ ءۇشىن تۇرعىندار جان-جاققا سابىلماي تەك ءبىر ۇيىمعا جۇگىنەدى. كەلەشەكتە بۇل وتىنىشتەر ەلەكتروندى تۇردە ەgov ارقىلى قابىلداناتىن بولادى.

 – مەديسينالىق-الەۋمەتتىك ساراپتاما قىزمەتىن قايتا قۇرىلىمداۋدىڭ جاڭا جوباسى ازىرلەنىپ جاتىر. قاناتقاقتى جوبانى جۇزەگە اسىراتىن وڭىرلەر انىقتالدى. جاڭا كونسەپسيا مۇگەدەكتىك پەن ەڭبەككە جارامدىلىق دەڭگەيىن انىقتاۋ قىزمەتتەرىنىڭ ساپاسى مەن قولجەتىمدىلىگىن ارتتىرادى. الەۋمەتتىك قورعاۋداعى تۇلعانىڭ قاجەتتىلىگىن ناقتى انىقتاۋ جانە سىبايلاس جەمقورلىقتى بولدىرماۋعا دا سەپتىگىن تيگىزەدى، - دەيدى كوشى-قون كوميتەتىنىڭ وبلىستىق دەپارتامەنت باسشىسىنىڭ ورىنباسارى جانار نۇربەك.