قايعىلى جاعداي بۇگىن ساعات 12-دە كيروۆ ايالداماسىنىڭ اۋدانىندا بولدى. ەر ادام ەسىن جيماستان وقيعا ورنىندا قازا تاپتى. بۇل تۋرالى بقو دەنساۋلىق ساقتاۋ باسقارماسىنىڭ باسشىسى قانات توسەكبايەۆ مالىمدەدى.
- عۇمار قاراش كوشەسىندە قايعىلى جاعداي بولدى. ورتا جاستاعى ەر ادامنىڭ باسىنا شاتىرداعى مۇز قۇلاعان. جەدەل-جاردەم ەكى مينۋتتا جەتتى، الايدا ەر ادامنىڭ باقيلىق بولعانىن بايقاعان، - دەيدى توسەكبايەۆ.
قايتىس بولعان ادامنىڭ جاسى مەن وزگە دە اقپاراتتار ءالى انىقتالعان جوق.
كەيىن وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى گۇلنار ءابدىراحمانوۆا جەدەل-جاردەم قىزمەتكەرلەرى 11:58-دە حابار العانىن ايتتى.
ءابدىراحمانوۆانىڭ ايتۋىنشا، جەدەل-جاردەم كولىگى 12:00-دە وقيعا ورنىنا جەتتى. باسى زاقىمدانعان ەر ادام اۋرۋحاناعا اپارار جولدا كولىك ىشىندە كوز جۇمعان.
پىكىر قالدىرۋ