جۇمىس ساپارى بارىسىندا ءبىرقاتار وندىرىستىك نىساندارعا بارۋ جوسپارلانىپ وتىر، ولاردى مىسالعا الا وتىرىپ، ق ر پرەمەر-مينيسترىنە وڭىردە يندۋستريالىق-يننوۆاسيالىق دامۋ، «نۇرلى جەر»، اگروونەركاسىپتىك كەشەندى دامىتۋ سەكىلدى مەملەكەتتىك باعدارلامالاردىڭ ىسكە اسىرىلۋ قارقىنى تۋرالى باياندالادى، سونداي-اق يندۋستريا 4.0 ەلەمەنتتەرىن ەنگىزۋ ناتيجەلەرى ۇسىنىلادى.

كەستەدەگى نەگىزگى ءىس-شارالار — بيزنەس وكىلدەرىمەن، وبلىستىڭ جۇمىس اكتيۆىمەن، اۋىل شارۋاشىلىعى تاۋارىن وندىرۋشىلەرمەن، دەنساۋلىق ساقتاۋ قىزمەتكەرلەرىمەن جانە ستۋدەنت جاستارمەن كەزدەسۋلەر بولادى.

اتاپ ايتقاندا، «جاباي اتا» ج ش س جانە «سارىاعاش جەر سىيى» ج ش س اگروونەركاسىپتىك كاسىپورىندارىن ارالاۋ قورىتىندىسى بويىنشا باقىتجان ساعىنتايەۆ اۋىل شارۋاشىلىعى تاۋارلارىن وندىرۋشىلەرمەن اوك مەملەكەتتىك باعدارلاماسىن جانە پرەزيدەنتتىڭ «شاعىن نەسيە بەرۋدى كوبەيتۋ» ءتورتىنشى الەۋمەتتىك باستاماسىن ىسكە اسىرۋ ماسەلەلەرىن تالقىلايدى.

وبلىستىق كلينيكالىق اۋرۋحانانىڭ جاڭارتىلعان ينفراقۇرىلىمىمەن تانىسقاننان كەيىن وتەتىن دوڭگەلەك ۇستەلدە ءوڭىردىڭ دەنساۋلىق ساقتاۋ جۇيەسىن جاڭعىرتۋ جانە سالانى قايتا رەتتەۋ شارالارى، ءمجا جانە جەكە قىزمەتتەر سەكتورىن دامىتۋ ماسەلەلەرى ەگجەي-تەگجەيلى قارالادى.

شىمكەنتتىڭ جوو-لارى مەن كوللەدجدەرىنىڭ باسشىلىعى مەن ستۋدەنتتەرى، ستۋدەنتتىك ۇيىمداردىڭ كوشباسشىلارى ق ر پرەمەر-مينيسترى باقىتجان ساعىنتايەۆپەن پرەزيدەنتتىڭ بەس الەۋمەتتىك باستاماسىن ىسكە اسىرۋ اياسىندا جوعارى ءبىلىمنىڭ قولجەتىمدىلىگى مەن ساپاسىن ارتتىرۋ، ستۋدەنتتەردىڭ جاتاقحانادا تۇرۋ جاعدايلارىن جاقسارتۋ جونىندەگى جاڭا قۇرالداردى تالقىلايدى.

ساپار سوڭىندا وبلىستىڭ جۇمىس اكتيۆتەرى مەن بيزنەس وكىلدەرىمەن كەزدەسۋ وتەدى. كۇن تارتىبىندە: ءوڭىردى الەۋمەتتىك-ەكونوميكالىق دامىتۋ ماسەلەلەرى، ونىڭ ىشىندە ينۆەستيسيالار تارتۋ، شوب دامىتۋ، يندۋستريالاندىرۋ، تەحنولوگيالىق جاڭعىرتۋ جانە يندۋستريا 4.0، سيفرلاندىرۋ، جۇمىس ورىندارىن اشۋ جانە ءوزىن-وزى جۇمىسپەن قامتىعانداردى رەسىمدەۋ ماسەلەلەرى.