الەۋمەتتىك جەلىدە «جەتى بالدىق جەر سىلكىنى بولادى» دەگەن حابارلامالار ءجيى تاراپ كەتتى، دەپ حابارلايدى Qamshy.kz اقپارات اگەنتتىگى.

بەلگىسىز ايەل «جينالىستا بۇگىن-ەرتەڭ جەتى بالدىق جەر سىلكىنىس بولاتىنى ايتىلدى» دەپ حالىقتى سەندىرۋگە تىرىسقان. ءوز حابارلاماسى سەنىمدى بولۋى ءۇشىن اتالمىش اقپاردى سەيسمولوگيادا جۇمىس ىستەيتىن قىزمەتكەردىڭ اعاسى ايتقانىن جەتكىزەدى.

الايدا سەيسمولوگيا ينستيتۋتى مۇنداي بولجامدى جوققا شىعاردى.

 «ءبىزدىڭ ينستيتۋتتا عانا ەمەس، ءتىپتى الەم بويىنشا جەر سىلكىنىسى بولاتىنى نە بولمايتىنى جايىندا بولجام جاسالماعان. جەتى بالدىق جەر سىلكىنىسىن كۇتۋگە بولا ما جوق پا؟ الداعى اپتا وسى ماسەلە تۋراسىندا قورىتىندى شىعارامىز. نەگە 7 بالل؟ سەبەبى مۇنداي قارقىن قۇرىلىستىڭ بۇزىلۋىنا اكەلىپ سوعادى. ءارى ول ومىرگە ءقاۋىپ توندىرەدى. التى بالدىق جەر سىلكىنىسى عيماراتقا زاقىم تيگىزبەۋى مۇمكىن. سوندىقتان ءبىز تەك جوعارى بولجامداردى ايتىپ ۇيرەنگەنبىز»، - دەدى ق ر بعم سەيسمولوگيا ينستيتۋتىنىڭ وڭىرلىك سەيسميكالىق زەرتحاناسىنىڭ مەڭگەرۋشىسى اللا سادىقوۆا zakon.kz تىلشىسىنە ايتقان مالىمدەمەسىندە.

بىلتىر الماتى قالاسى سەيسمولوگيا ينستيتۋتىنىڭ ديرەكتورى بولعان ءانۋار بورانباي Qamshy.kz اقپارات اگەنتتىگىنىڭ تىلشىسىنە بەرگەن سۇحباتىندا سەيسمولوگتار جەر سىلكىنىسى بولادى دەپ ناقتى اقپار بەرمەيتىنىن ايتقان. ولار تەك مۇمكىن جاعدايلاردى جەتكىزەدى.

بۇعان قوسا ءابدىراحمان كۇرسكەيەۆ تە عىلىمنىڭ ءوزى قانداي دا ءبىر بولجام ايتۋعا رۇقسات ەتپەيتىنىن ەسكەرتكەن.

ايتا كەتەيىك، 26 ناۋرىزدا الماتىدا 3-4 بالدىق جەر سىلكىنىسى بولدى. جەر استى دۇمپۋلەرىنىڭ وشاعى الماتىدان 68 شاقىرىم سولتۇستىك-شىعىستا ورنالاسقان.