قازاقستاننىڭ بىرنەشە وبلىسىندا قار سۋىنىڭ جينالۋى جانە  داۋىل بولاتىنى جايلى ەسكەرتۋ جاريالاندى، دەپ حابارلايدى «كازگيدرومەت» رمك.

29 ناۋرىزدا جامبىل جانە وڭتۇستىك قازاقستان وبلىستارىندا بولجانىپ وتىرعان جاڭبىردان كەيىن تاۋ وزەندەرى تاسۋى مۇمكىن.  سونداي-اق، 29 ناۋرىز - 1 ءساۋىر كۇندەرى الماتى وبلىسىندا جانە الماتىدا بولجانىپ وتىرعان جاڭبىر سالدارىنان سۋ كوبەيىپ، تاۋ وزەندەرى تاسۋى مۇمكىن.

29 ناۋرىز - 1 ءساۋىر ارالىعىندا پاۆلودار وبلىسىندا جاۋىن-شاشىن كۇتىلەدى، 30 ناۋرىزدا قاتتى نوسەر جاۋادى جانە كۇندىزگى تەمپەراتۋرا كۇرت كوتەرىلەدى. سونداي-اق، ءشۇلبى سۋ قويماسىنان بوساتىلاتىن سۋ كولەمىنىڭ ۇلعايۋى جانە جەرگىلىكتى قارعىن سۋدىڭ جينالۋى  ەسەبىنەن وزەن جاعاسىنداعى ۋچاسكەلەردى سۋ باسۋى مۇمكىن.

31ناۋرىز - 1 ءساۋىر ارالىعىندا قاراعاندى وبلىسىندا كوكتەمگى قارعىن سۋ اسەرىنەن سۋ دەڭگەيى كوتەرىلەدى.

29 ناۋرىز - 1 ءساۋىر ارالىعىندا  شقو-دا كۇننىڭ جىلىنۋىنا جانە جاۋىن-شاشىنعا بايلانىستى  تاۋ وزەندەرىنىڭ تاسۋى، سۋ دەڭگەيىنىڭ كۇرت كوتەرىلۋى، ارنالاردىڭ بوگەلۋى  سەبەبىنەن ەلدى مەكەندەردى سۋ باسۋ ءقاۋپى بار.