2018 جىلعى 27 ناۋرىزىندا يسلاماباد قالاسىندا قازاقستان رەسپۋبليكاسىنىڭ ەلشىسى بارلىباي سادىقوۆ پاكىستان يسلام رەسپۋبليكاسىنىڭ پرەزيدەنتى مامنۋن حۋسساينگە سەنىم گراموتالارىن تاپسىردى. سالتاناتتى ءراسىم «Aiwan-e-Sadr» سارايىندا ءوتتى، دەپ حابارلايدى Qamshy.kz اقپارات اگەنتتىگى ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ. 

سالتاناتتى راسىمنەن كەيىن ەكىجاقتى جانە كوپجاقتى فورماتتارداعى ىنتىماقتاستىقتىڭ اعىمداعى جاعدايى مەن ونىڭ كەلەشەگى جونىندەگى ماسەلەلەر تالقىلاندى.

پاكىستان پرەزيدەنتى قازاقستانمەن ىنتىماقتاستىق ماسەلەلەرىنە يسلاماباد ەرەكشە ءمان بەرەتىنىن اتاي وتىرىپ، اسىرەسە ساۋدا، كولىك جانە مادەني الماسۋ سالالارىنداعى ىنتىماقتاستىقتى جانداندىرۋدى ۇسىندى. م.حۋسساين قازاقستاننىڭ پرەزيدەنتى نۇرسۇلتان نازاربايەۆ پاكىستاندا ۇلكەن قۇرمەتكە يە ەكەنىن اتاي وتىرىپ، ەلباسى– ايماقتاعى مەملەكەتتەردىڭ بەيبىتشىلىگى، قاۋىپسىزدىگى مەن ەكونوميكالىق دامۋى ءۇشىن ورتالىق ازيا مەن وڭتۇستىك ازيا مەملەكەتتەرى اراسىنداعى بايلانىستاردى نىعايتۋدىڭ وتە ماڭىزدى ەكەنىن تۇسىنەتىن كورەگەن كوشباسشى ەكەنىن ەرەكشە اتادى.

پاكىستان پرەزيدەنتى 2017 جىلدىڭ قىركۇيەگىندە استانا قالاسىندا وتكەن يسلام ىنتىماقتاستىق ۇيىمىنىڭ سامميتىنە قاتىسقانىن، سونداي-اك حالىقارالىق جانە ايماقتىق ۇيىمدار شەڭبەرىندە ىنتىماقتاستىق پەن ءوزارا قولداۋ كورسەتۋدى جالعاستىرۋدىڭ ماڭىزدىلىعىن اتاپ ءوتتى.

بارلىباي سادىقوۆ ءوز كەزەگىندە، پاكىستان پرەزيدەنتىن قازاقستان پرەزيدەنتى ن.نازاربايەۆتىڭ باستاماسىمەن ەلىمىزدە ىسكە اسىرىلىپ جاتقان اۋقىمدى ەكونوميكالىق جانە ساياسي رەفورمالارمەن تانىستىردى. بۇل تۇرعىدا ىسكە اسىرىلىپ جاتقان رەفورمالار ەكونوميكا مەن قوعامدىق سانانى جاڭعىرتۋعا باعىتتالعانىن، ول ءوز كەزەگىندە 2050 جىلعا دەيىن قازاقستاننىڭ الدىڭعى قاتارلى دامىعان 30 مەملەكەتتىڭ قاتارىنا كىرۋىن قامتاماسىز ەتۋدى كوزدەيتىنىن جەتكىزدى.

سونداي-اق ديپلومات، قازاقستان باسشىلىعى ايماقتىق جانە حالىقارالىق قاۋىپسىزدىكتى نىعايتۋعا تۇراقتى تۇردە كۇش سالىپ جاتقانىن اتاپ ءوتتى. بيىل قاڭتاردا ەلباسى ن.نازاربايەۆتىڭ توراعالىعىمەن بۇۇ قاۋىپسىزدىك كەڭەسىنىڭ يادرولىق قارۋسىزدانۋ جانە تاراتپاۋ سالاسىنداعى سەنىم شارالارىن نىعايتۋ تاقىرىبىنا ارنالعان وتىرىسى، سونداي-اق اۋعانستان جانە ورتالىق ازيا مەملەكەتتەرىنىڭ سىرتقى ىستەر مينيسترلەرى دەڭگەيىندە كەزدەسۋلەرى ءوتتى. وڭتۇستىك ازيادا تۇراقتىلىقتى نىعايتۋعا جانە اۋعانستاندا بەيبىتشىلىكتى ورناتۋعا قىزىعۋشىلىق تانىتاتىن مەملەكەتتەرمەن قازاقستان تىعىز ءوزارا-ىسقيمىلدار ورناتۋ مەن ونى جۇرگىزۋگە دايىن ەكەنى تۋرالى مالىمدەندى. سونداي-اق، ەلشى ورتالىق ازيا ەلدەرىن وڭتۇستىك ازيانىڭ تەڭىز پورتتارىنا شىعۋى ءۇشىن ترانزيتتىك-كولىكتىك باعىتتاردى دامىتۋ ماڭىزدى ەكەنىنە توقتالدى .

ب.سادىقوۆ، قازاقستان تاراپىنىڭ پاكىستانمەن ەكىجاقتى جانە كوپجاقتى فورماتتاردا ءوزارا ءتيىمدى ىنتىماقتاستىقتى ودان ءارى دامىتۋعا دايىندىعىن ەكەنىن اتاپ ءوتتى.