ءۇش جىلدىڭ ىشىندە التى مىڭعا جۋىق شەتەل ازاماتشاسى قازاقستان رەسپۋبليكاسىنىڭ ازاماتتىعىن العان. ولار قازاقستاندىق ەر ازاماتتارعا تۇرمىسقا شىققان. بۇل تۋرالى ق ر ىشكى ىستەر مينيسترلىگى ايتتى، دەپ حابارلايدى Today.kz-كە سىلتەمە بەرىپ Qamshy.kz اقپارات اگەنتتىگى.

2015-2017 جىلدار اراسىندا 5811 ايەل قازاقستاندىققا كۇيەۋگە شىعىپ، "تۇرمىستاعى ايەلدىڭ ازاماتتىعى تۋرالى" كونۆەنسياعا سايكەس ق ر پاسپورتىن العان.

قازاقستان ازاماتتارىنا  تۇرمىسقا شىققانداردىڭ دەنى وزبەكستاننىڭ بۇرىنعى ازاماتشالارى ەكەن. ەكىنشى ورىندا – ەكس-قىرعىزستاندىقتار، ءۇشىنشى ورىندا – بۇرىنعى رەسەيلىكتەر. تىزىمدە ارمەنيا، تاجىكستان، تۇرىكمەنستان، ءازىربايجان، گرۋزيا ەلدەرىنىڭ بۇرىنعى ازاماتشالارى بار.

ق ر ءىىم مالىمەتىنشە، 1992 جىلدان 2017 جىلعا دەيىن قازاقستان ازاماتتىعىن 1 019 358 ادام العان، قازاقستان ازاماتتىعىنان شىققاندار سانى – 11 514.