سەمەيدە تاعى بىرنەشە اۋداندى سۋ باسىپ، 75 تۇرعىن ءقاۋىپسىز جەرگە كوشىرىلۋدە، دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

وسى ۋاقىتتا لودوچنايا جانە زاتون اۋداندارىن، بوبروۆكا كەنتىن، كرايەۆايا كوشەسىن سۋ باسىپ جاتىر. ءقازىر كرايەۆايا كوشەسىنەن - 41، بوبروۆكا كەنتىنەن 34 ادام ەۆاكۋاسيالاندى. بۇل جۇمىستار ءالى دە جالعاسۋدا، وعان 7 تەحنيكا مەن قالالىق ءىىب-نىڭ 24 قىزمەتكەرى جۇمىلدىرىلدى. تاسقىن سۋمەن كۇرەس ءىس-شارالارى جۇرگىزىلىپ، سۋ ايدايتىن تەحنيكالار جۇمىس جاساۋدا.

«ءقازىر ەرتىس وزەنىندەگى مۇزدى جارۋ جۇمىستارى جۇرگىزىلىپ جاتىر. اياقتالسا جاعداي قالىپقا كەلەدى. تۇرعىنداردى ەۆاكۋاسيالاۋ جالعاستىرىلۋدا. بارلىعى باقىلاۋدا. قاجەتتى شارالار قولعا الىندى. تۇرعىنداردى سابىرلىققا شاقىرامىز»، - دەدى قالالىق ازاماتتىق قورعانىس جەدەل-شتابىنىڭ اقپاراتتىق قىزمەتىنىڭ وكىلى مەيىرجان امانگەلدييەۆ.