الماتى وبلىسىندا مۇگەدەك بالا اسىلىپ تۇرعان جەرىنەن تابىلدى. جانتۇرشىگەرلىك وقيعا تالعار قالاسىنداعى مۇگەدەك بالالار ۇيىندە بولعان. تۇنگى كەزەككە قالعان كۇتۋشى جىلاپ قويماعان سەگىز جاسار بالانى توسەگىندە تۇنشىقتىرىپ، ارتىنشا جۋىناتىن بولمەگە سۇيرەپ اپارىپ بۋىندىرىپ ولتىرگەن دەگەن كۇدىككە ءىلىنىپ وتىر. ال، كۇتۋشىنىڭ قىلمىسىن جاسىرماق بولدى ما، مەكەمە باسشىلىعى جەتكىنشەكتىڭ اتا-اناسىنا «جۇرەگى توقتاپ قالدى» دەگەن. الايدا جۇيكە جۇيەسىنىڭ اۋىتقۋىمەن دۇنەگە كەلگەن بالاسىنىڭ كوكالا قويداي دەنەسىن كورگەن اتا-انا بىردەن پوليسياعا ارىزدانىپتى. بۇل تۋرالى Qamshy.kz اقپارات اگەنتتىگى كتك تەلەارناسىنا سىلتەمە جاساپ حابارلايدى.
