اتالعان قوسىمشا WhatsApp تىزىمىندەگىلەردىڭ قاي ۋاقىتتا ويانىپ، قاي كەزدە ۇيىقتايتىنىن كورسەتەدى، دەپ حابارلايدى ktk.kz-كە سىلتەمە بەرىپ Qamshy.kz اقپارات اگەنتتىگى.
"Chatwatch قوسىمشاسىن تۋىستارىڭىزدىڭ، دوستارىڭىز بەن قىزمەتكەرلەرىڭىزدىڭ بەلسەندىلىگىن باقىلاپ وتىرۋ ءۇشىن پايدالانىڭىز"، - دەلىنگەن قوسىمشانىڭ سيپاتتاماسىندا.
سونداي-اق، Chatwatch تىزىمدەگى ادامداردىڭ بىر-بىرىمەن سويلەسكەن-سويلەسپەگەنىن انىقتاۋعا كومەكتەسەدى. ول ءۇشىن قوسىمشا بىرنەشە قولدانۋشىنىڭ مالىمەتتەرىن سالىستىرادى.
وسىلايشا Facebook كومپانياسى قولدانۋشىلاردىڭ مالىمەتتەرىن قانداي ماقساتتا پايدالاناتىندارىن كورسەتپەك.
قوسىمشانىڭ باعاسى - 1،99 دوللار. وسى اقشاعا قولدانۋشىلار WhatsApp تىزىمىندە بار ەكى ادامدى ءبىر اپتا بويى باقىلاۋعا مۇمكىندىك الادى.
مۇنىمەن قاتار، قوسىمشانىڭ قۇراستىرۋشىلارى جينالعان اقشانىڭ دونالد ترامپقا قارسى بەيكوممەرسيالىق ساياسي ۇيىمدى قارجىلاندىرۋ ءۇشىن جۇمسالاتىنىن ايتادى.
