قازگيدرومەتتىڭ حابارلاۋىنشا، ناۋرىز ايىنىڭ سوڭعى كۇندەرى ەلىمىزدىڭ كوپتەگەن وبلىستارىندا جاۋىن-شاشىن، قار بولۋى مۇمكىن.
سيكلوندار مەن انتيسيكلوندار قازاقستان اۋماعى ارقىلى جوعارى جىلدامدىقپەن جىلجيدى. وسىعان بايلانىستى، ەلىمىزدە جاڭبىر مەن قار تۇرىندە جاۋىن-شاشىنى ءجيى بولىپ تۇراتىن تۇراقسىز اۋا-رايى ساقتالادى.
الداعى ءۇش تاۋلىكتە قازاقستان اۋماعىنىڭ باسىم بولىگىندە جاۋىن-شاشىن، وڭتۇستىك بولىگىندە نايزاعاي ارالاس جاڭبىر، سولتۇستىگىندە ىلعالدى قار، تۇمان جانە كوكتايعاق كۇتىلەدى. ەلىمىزدىڭ باسىم بولىگىندە اۋا تەمپەراتۋراسى بۇرىنعىشا كليماتتىق نورمادان جوعارى، تەك سولتۇستىك اۋدانداردا تەمپەراتۋرا 2-3°س نورمادان تومەن بولادى.
