31 ناۋرىز كۇنى «Qazaqstan» ۇلتتىق ارناسىندا «Q-pop idols» (Qazaq pop idols) رەاليتي-شوۋىنىڭ تۇساۋكەسەرى بولماق، دەپ جازادى Qamshy.kz اقپارات اگەنتتىگى.

اتالمىش جوبا مۋزىكالىق تەلەبايقاۋ فورماتىندا وتپەك. جوبانىڭ جەتەكشىسى - تانىمال پروديۋسەر ءارى مۋزىكانت ەربولات بەدەلحان.

جوبانىڭ ماقساتى – زاماناۋي مۋزىكا ارقىلى جاستار اراسىندا قازاق ءتىلىن ناسيحاتتاۋ.

جوبانىڭ تالابى بويىنشا قاتىسۋشىلار ۆوكالمەن قوسا بي شەبەرلىگىن ورتاعا سالىپ، قازىرگى زامانعى مۋزىكانىڭ ەرەكشەلىكتەرىنەن حاباردار بولۋى كەرەك. اتاپ ايتقاندا، جان-جاقتى بولىپ، ولەڭ، مۋزىكا جازا الاتىن دارىندى ۇمىتكەرلەر ب ا ق سىناسادى.

سونىمەن قاتار، «Q-pop idols» جوباسىنىڭ جەڭىمپازدارى، جاڭا  «Juz’I’m» دەپ اتالاتىن قىزدار توبىنىڭ قۇرامىنا ەنەتىن بولادى. وسى جوباعا ءوتۋ ءۇشىن، كاستينگكە ەلىمىزدەن باسقا، رەسەي جانە قىتايدان 800-دەن استام جاس دارىندى قىزدار قاتىسىپ، ءوز ونەرلەرىن كورسەتتى.

«Q-pop idols» رەاليتي-شوۋىن 31 ناۋرىزدان باستاپ،  «Qazaqstan» ۇلتتىق تەلەارناسىنان ءار سەنبى سايىن 22:45-تە كورە الاسىزدار!