UFC 223 تۋرنيرىندە حابيب نۇرماعامەدوۆ (25-0) پەن توني فەرگيۋسون (26-23-3) اراسىنداعى جەكپە-جەك بولمايدى، دەپ حابارلايدى Qamshy.kz اقپارات اگەنتتىگى UFCء-دىڭ رەسمي سايتىنا سىلتەمە جاساپ.
7 ءساۋىر كۇنى UFC 223 تۋرنيرىندە جەڭىل سالماقتاعى چەمپيون اتاعىنا تالاساتىن توني مەن حابيب اراسىنداعى جەكپە-جەك وتپەيتىن بولدى. امەريكالىق سپورتشى جاراقاتىنا بايلانىستى توبەلەسە المايدى. فەرگيۋسوننىڭ ورنىنا جارتىلاي جەڭىل سالماقتاعى UFC چەمپيونى ماكس حوللوۋەي شىعادى. وسىمەن فەرگيۋسون-نۇرماعامەدوۆ اراسىنداعى جەكپە-جەك ءتورتىنشى رەت كەيىنگە شەگەرىلىپ وتىر.
ايتا كەتەيىك، حابيب نۇرماعامەدوۆ پەن توني فەرگيۋسون اراسىنداعى كەزدەسۋ 7 ءساۋىر كۇنى، اقش-تىڭ نيۋ-يورك قالاسىندا ءوتۋى كەرەك ەدى. سپورتشىلار UFCء-دىڭ جەڭىل سالماقتاعى چەمپيونىن انىقتاۋعا ءتيىس بولعان.
پىكىر قالدىرۋ