ىشكى ىستەر ءمينيسترى قالمۇحانبەت قاسىموۆ ەكى قازاقستاندىق باسىلىمنىڭ رەلاكسياسىندا جۇرگىزىلگەن ءتىنتۋدى ءتۇسىندىردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ. 

«30 ناۋرىز كۇنى استانا قالاسى ءىىد-عا ق ر ازاماتى كاكىمجانوۆتان ارىز ءتۇستى. ول ratel.kz پورتالى مەن Forbes قازاقستان جۋرنالىندا جالعان اقپارات تاراۋىنا بايلانىستى شارالار قابىلداۋدى سۇراعان. اتالعان ارىز سوتقا دەيىنگى تەرگەۋلەردىڭ ءبىرىڭعاي تىزىمىنە ەنگىزىلدى. ق ر قك 274-بابى 3-تارماعى بويىنشا تەرگەۋ باستالدى»، — دەدى ول.

مينيستر مۇنىڭ الدىنا 2017 جىلى ۇزاق سوت تالقىلاۋلارى بولىپ وتكەنىن اتاپ ءوتتى. 

«مەدەۋ اۋداندىق سوتى ءوزى قاراعان ماتەريالدار نەگىزىندە جانە سوت تاپسىرماسىمەن جۇرگىزىلگەن سوت پسيحو-فيزيولوگيالىق ساراپتاما نەگىزىندە ارىزدانۋشى كورسەتكەن بارلىق مالىمەت شىندىققا جاناسپايتىنى جانە ونىڭ ار-نامىسىنا كىر كەلتىرەدى دەگەن شەشىم قابىلدادى. وسىعان بايلانىستى تەرگەۋ باستالدى، سوتتان ۇيدە جانە جۇمىس ورنىندا ءتىنتۋ جۇرگىزۋ تۋرالى سانكسيا الىندى. سوندىقتان تەرگەۋ ورگاندارى وسى ءىس-شارالاردى جۇرگىزىپ جاتىر. تەرگەۋ ناتيجەسى بويىنشا بارلىق اقپاراتتى كەيىنىرەك حابارلايمىز»، — دەدى قاسىموۆ.

ول قۇقىق قورعاۋ ورگاندارى بۇرىن جۋرناليستەر پايدالانعان بارلىق تەحنيكانى تاركىلەگەنىن ايتتى.

ايتا كەتسەك، كەشە پوليسيا قىزمەتكەرلەرى Ratel.kz پورتالى مەن Forbes Kazakhstan جۋرنالىنىڭ رەداكسيالارىندا ءتىنتۋ جۇرگىزىپ جاتقانى بەلگىلى بولدى. جۋرناليست ۆاديم بورەيكونىڭ اقپاراتىنشا، Ratel.kz رەداكسياسىندا  قۇجاتتار مەن كومپيۋتەرلەر تاركىلەنگەن.

سونىمەن قاتار، پورتالدىڭ باس رەداكتورى مارات اسيپوۆ، ورىنباسارى ساپا مەكەبايەۆ جانە شولۋشى اننا كالاشنيكوۆا ۇستالعانى ءمالىم بولدى. Forbes Kazakhstan رەداكسياسىندا باس رەداكتوردىڭ ورىنباسارى الەكساندر ۆوروتيلوۆ ۇستالدى. پوليسيا ازىرگە بولعان وقيعاعا قاتىستى تۇسىنىكتەمە بەرگەن جوق.