قوعام قايراتكەرى ارۋجان ساين  اباي اۋىلىنىڭ 7 جاستاعى تۇرعىنىنا قاتىستى جاڭا دەرەكتەردى جاريالادى، دەپ حابارلايدى Qamshy.kz اقپارات اگەنتتىگى. 

«اباي اۋىلىنىڭ 7 جاستاعى تۇرعىنىنا قاتىستى كەزەكتى تەرگەۋ جۇمىستارى جۇرگىزىلدى. وعان قازاقستاندىق جانە شەتەلدىك ساراپشىلار قاتىستى. ولار – گرۋزيا، قىرعىزستان جانە رەسەي ماماندارى.

سوت پروسەسى مەن تەرگەۋ جابىق رەجيمدە ءجۇرىپ جاتقاندىقتان، بارلىعىنان اقپاراتتى جاريالاماۋ تۋرالى قولحات الىندى. تەرگەۋ وبەكتيۆتى جۇرگىزىلىپ، شىنايى قورىتىندى جاسالادى دەپ سەنەمىز.

بارلىق ءتۇسىندىرۋ جۇمىستارىن تەك ق ر باس پروكۋراتاراسى عانا جۇرگىزەدى. الداعى ۋاقىتتا باسقا ساراپتاما جاسالادى»، – دەپ جازدى ارۋجان ساين.

ول انا مەن بالاعا كومەكتەسىپ جۇرگەندەر كوپ ەكەنىن ايتادى.

«انا مەن بالا ءۇشىن بۇل وتە ماڭىزدى. اناسى قولداۋ ءبىلدىرىپ جۇرگەندەرگە العىسىن بىلدىرەدى. ارينە، اناسىنا ءقازىر وتە قيىن. ول بالاسىن سوڭىنا دەيىن قورعاۋعا ءازىر»، – دەيدى ارۋجان ساين.