سەمەيدە جۇك كولىگى 2 وقۋشىنى قاعىپ كەتتى. اۋىر جاراقات العان 7 سىنىپتىڭ قوس وقۋشىسى اۋىر حالدە اۋرۋحاناعا جەتكىزىلدى، دەپ حابارلايدى Qamshy.kz اقپارات اگەنتتىگى قازاقپاراتتىڭ دەرەگەنە سۇيەنىپ. وقىس وقيعا بۇگىن ساعات 14.00-دە قارجاۋباي ۇلى كوشەسىندە بولعان.

12 جاستاعى قىزدار جاياۋ جۇرگىنشىلەرگە ارنالماعان جەردەن ءوتىپ كەتپەكشى بولعان.  الايدا قاتتى جىلدامدىقپەن كەلە جاتقان 49 جاستاعى كولىك جۇرگىزۋشىسى تەجەگىشتى باسىپ ۇلگەرمەي، قوس قىزدى قاعىپ كەتكەن. ءقازىر  قىزدار جانساقتاۋ بولىمىندە اۋىر جاعدايدا جاتىر.  

«ەكى وقۋشىنىڭ دا جاراقاتى اۋىر.  ولاردىڭ بىرەۋىنىڭ باس سۇيگى سىنىپ، ميىنا قاتتى سوققى تيگەن. ال ەكىنشى قىزدىڭ دا باس سۇيەگىنە قاتتى زاقىم كەلگەن.  ميى شايقالىپ، باسقا دا جەرلەرى سىنعان. ءقازىر ەكەۋى دە جانساقتاۋ بولىمىندە جاتىر»، -دەدى  سەمەي قالاسىنىڭ جەدەل مەديسينالىق جاردەم ستانسياسىنىڭ اعا دارىگەرى ارمانگۇل سماعۇلوۆا.

سەمەي قالالىق ءىىب-نىڭ اقپاراتىنا قاراعاندا، بۇل فاكتى بويىنشا ءقازىر جۇرگىزۋشى ۇستىنەن  قازاقستان رەسپۋبليكاسىنىڭ قىلمىستىق كودەكسىنىڭ 345-بابىنىڭ 2-بولىگى بويىنشا  ءىس قوزعالعان.  تەرگەۋ جۇمىستارى باستالىپ،  ءتيىستى ساراپتامالار تاعايىندالعان.

ايتا كەتەيىك، كولىك اپاتى بولعان جەردە جىلدامدىقتى 40 كم/س-عا دەيىن تومەندەتۋ تالابى بار. سەبەبى، جولدىڭ جيەگىندە № 3ء-شى مەكتەپ ورنالاسقان.