الماتى قالاسىندا تۇرعىن ءۇي كەزەگىنەن 1900 ادام شىعارىلدى، دەپ حابارلايدى حابار 24-كە سىلتەمە بەرىپ Qamshy.kz اقپارات اگەنتتىگى.

«سەبەبى جۇيە ەلەكتروندىق پورتالعا اۋىستى»، - دەيدى باسپا ءسوز ءماسليحاتىن وتكىزگەن قالالىق تۇرعىن ءۇي ينسپەكسياسىنىڭ وكىلدەرى. كەزەكتە تۇرعانداردىڭ قۇجاتتارىن تەكسەرۋ كەزىندە 372 ادامنىڭ الماتى قالاسىنان كوشىپ كەتكەنى انىقتالعان. ال مىڭنان استام تۇلعا ءۇي ساتىپ العان. جالپى بىلتىردان بەرى شاھاردا 5887 پاتەر بەرىلسە، ءالى دە باسپانا كەزەگىندە 20 800 ادام تۇر. بۇدان بولەك ينسپەكسيا ماماندارى كوممۋنالدىق تولەمدەر ماسەلەسىنە توقتالدى. پاتەر يەلەرى كووپەراتيۆتەرىنە قارىزى بارلار ەندى بانكتەردەن نەسيە الا المايدى. دەگەنمەن، كووپەراتيۆتەر تاراپىنان دا ءوز مىندەتىنە جاۋاپسىز قاراعانى تۇرعىنداردان نەگىزسىز اقشا جيناعان دەرەكتەر انىقتالعان.

- جىلدىڭ باسىنان باستاپ تورتەۋى بەرىلگەن نۇسقامانى ۋاقىتىندا ورىنداماعاندىقتان ەگەر دە قايتالانعان بولسا ءبىر جىلدىڭ ىشىندە ءبىز ولارعا ءبىر ايلىق ەسەپتىك كورسەتكىشتىڭ 20 ەسە ارتىق ايىپپۇل تولەتىپ جاتىرمىز، - دەيدى قالالىق تۇرعىن ءۇي ينسپەكسياسىنىڭ ءبولىم باسشىسى جاندوس قايىرحانوۆ.