بۇگىن پارلامەنت ءماجىلىسىنىڭ دەپۋتاتتارى ق.جاباعييەۆ، ا.سماعۇلوۆ، س.وتەبايەۆ، و.شيشيگينا قاراتال اۋدانى، ۇشتوبە اۋىلىنداعى «تاستوبە-اگروفۋد» ءسۇت-تاۋارلى فەرماسى مەن «باستوبە سەرۆيس-تەحنيكالىق كوللەدجىنىڭ جۇمىسىمەن تانىستى.

كەزدەسۋدە حالىق قالاۋلىلارى ەلباسىنىڭ «5 الەۋمەتتىك باستاماسى» تۋرالى بايانداپ، تالقىلادى.

 «تاستوبە اگروفۋد» جاۋاپكەرشىلىگى شەكتەۋلى سەرىكتەستىگى بۇگىندە 50 ادامدى تۇراقتى جۇمىسپەن قامتىپ وتىر. قازىرگى تاڭدا ۇشتوبە قالاسىناداعى ءسۇت وڭدەۋ زاۆودىنا كۇنىنە 1500 توننا ءسۇت وتكىزىلەدى، جىل سوڭىنا دەيىن 7000 مىڭ تونناعا جەتكىزىلۋى جوسپارلانۋدا. ءسۇت-تاۋارلى فەرمادا 90 باس سيىر، 120 باس قۇنجىن، 90 باس بۇزاۋ بار. جوباعا 400 ميلليون تەڭگە ينۆەستيسيا قۇيىلدى. الداعى ۋاقىتتا وسى ماقساتتا تاعى 200 ميلليون ينۆەستيسيا تارتىلادى دەپ جوسپارلانۋدا»، - دەيدى فەرما باسشىسى شىڭعىس احمەتوۆ.

ءسۇت-تاۋارلى فەرما جۇمىسىمەن تانىسقاننان كەيىن ءماجىلىس دەپۋتتارى باستوبە سەرۆيستىك-تەحنيكالىق كوللەدجىنىڭ وقىتۋشىلار جانە ستۋدەنتتەرىمەن كەزدەستى.

كوللەدج ديرەكتورى ماليكجان جامالبەكوۆتىڭ ايتۋىنشا، بەس نەگىزگى ماماندىق بويىنشا بارلىعى  316 شاكىرت ءبىلىم الاتىن كوللەدجدىڭ ماتەريالدىق-تەحنيكالىق بازاسى تولىعىمەن جابدىقتالعان.

حالىق قالاۋلىلارى قاراتال اۋدانىنىڭ الەۋمەتتىك نىساندارىن ارالاپ قانا قويماي، ەلباسىنىڭ 5 الەۋمەتتىك باستاماسىنىڭ ماڭىزدىلىعى مەن قاجەتتىلىگى تۋراسىندا حالىقتىڭ پىكىرىن تىڭداپ، ساۋالدارىنا جاۋاپ بەرىپ، شەشىلۋى ءتيىس تۇيتكىلدى ماسەلەلەردى نازارلارىنا الدى.