«Kazakh Invest» قولداۋ كورسەتۋىمەن «Dal Holding Investment CO.» كومپانيا وكىلدەرىنىڭ اقتوبە جانە جامبىل وبلىستارى اكىمدىكتەرىمەن كەزدەسۋى ۇيىمداستىرىلدى. كەزدەسۋ بارىسىندا تۇرىك ينۆەستورلارى اگرو-ونەركاسىپتىك جانە كەن-مەتاللۋرگيا كەشەندەرى سالاسىندا ەكى جوبانى ىسكە اسىرۋعا قىزىعۋشىلىقتارىن تانىتتى.

تاراز قالاسىندا «Dal Holding Investment CO» تۇرىك كومپانياسىنىڭ وكىلدەرى جامبىل وبلىسىنىڭ اكىمى اسقار مىرزاحمەتوۆپەن كەزدەستى.

كەزدەسۋ بارىسىندا «Dal Holding Investment CO.» قارجى ديرەكتورى، كونسۋلتاتيۆتىك كەڭەس مۇشەسى دەميردجان كۋسە كومپانيانىڭ قۇنى 54 ملن اقش دولل. قۇرايتىن باريت كونسەنتراتىن وندىرەتىن كەن بايىتۋ كومبيناتىن سالۋ بويىنشا جامبىل وبلىسىندا جوبانى ىسكە اسىرۋعا قاتىسۋعا قىزىعۋشىلىعىن ءبىلدىردى. جىلىنا 75 000 توننا باريت كەنىن بايىتۋ بويىنشا يگەرۋدەن تولىق وندىرىستىك سيكلىنىڭ مۇمكىندىگى تالقىلاندى. كەزدەسۋ قورىتىندىسى بويىنشا ءوڭىر باسشىسى ينۆەستورلار نيەتىن قولدادى.

اقتوبە قالاسىندا «Dal» كومپانيا باسشىسى اقتوبە وبلىسى اكىمىنىڭ ورىنباسارى Cەرىك تۇلەنبەرگەنوۆپەن كەزدەستى. تاراپتار گاز ەلەكتر ستانسالارى ەسەبىنەن ونى ەلەكترمەن، جىلۋ جانە كومىرقىشقىل گازىمەن قامتاماسىز ەتىپ اقتوبە وبلىسىندا تەپليسا كەشەنىن سالۋ جوباسىن كەزەڭدى تۇردە ىسكە اسىرۋ كەلەشەگىن تالقىلادى. وسى جوبا بويىنشا ينۆەستيسيالاردىڭ جوسپارلانىپ وتىرعان جالپى كولەمى 650 ملن. اقش دولل قۇرايدى.

كەزدەسۋ بارىسىندا اكىمدىك باسشىلىعى وسى جوبانى ىسكە اسىرۋعا قىزىعۋشىلىعى مەن ينۆەستورلارعا جان-جاقتى قولداۋ كورسەتۋگە دايىن ەكەندىگىن راستادى. قازىرگى ۋاقىتتا اقتوبە وبلىسىنىڭ اكىمدىگى تەپليسا سالۋ ءۇشىن الاڭى 200 گا بولاتىن جەر تەلىمىنىڭ ءتيىستى نۇسقالارىن قاراستىرىپ جاتىر.

 «Dal Holding Investment CO.» كومپانياسى 1985 جىلى قۇرىلدى، الەمدەگى العاشقى 5 كومپانيانىڭ ءبىرى رەتىندە سىندارلى جابدىقتى ازىرلەۋ مەن جەتكىزۋمەن اينالىسادى. سەمەنت، قۇرىلىس، ەنەرگەتيكا، حيميا جانە مينەرالدىق رەسۋرستار سەكتورىندا جۇمىس ىستەيدى. كومپانيا تۇركيادا اۆتوماتتاندىرۋ بويىنشا العاشقى كومپانيالاردىڭ ءبىرى بولىپ تابىلادى.