كەمەروۆو قالاسىنداعى سوڭعى جاڭالىقتارعا بايلانىستى، قازاقستان رەسپۋبليكاسىنىڭ ىشكى ىستەر ءمينيسترى گەنەرال-پولكوۆنيك ق.ن. قاسىموۆ ادامدار كوپ شوعىرلاناتىن نىسانداردا قاۋىپسىزدىك مادەنيەتىن قالىپتاستىرۋ بويىنشا  بالالارعا ءبىلىم بەرۋگە ەرەكشە نازار اۋدارا وتىرىپ، كەڭ اۋقىمدى وقۋ-جاتتىعۋ جۇمىستارىن جۇرگىزۋدى تاپسىردى. جەر سىلكىنىسى مەن ءورت كەزىندە باستى ەلەمەنتتەردىڭ ءبىرى دۇرىس ەۆاكۋاسيا بولىپ تابىلادى، دەپ جازادى Qamshy.kz اقپارات اگەنتتىگى ق ر ءىىم تجك الماتى قالاسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

         بۇگىن الماتى قالاسىنىڭ بوستاندىق اۋدانىنداعى №94 مەكتەپ- گيمنازياسىنىڭ اۋماعىندا جەر سىلكىنىسى بولعان جاعدايدا باسشىلىق قۇرامىنىڭ وقۋشىلاردى عيماراتتان ءقاۋىپسىز جەرگە قالاي دۇرىس  الىپ شىعۋعا بولاتىندىعى تۋرالى جەر سىلكىنىسىنە باعىتتالعان سەيسميكالىق جاتتىعۋ  جۇرگىزىلدى.

         جاتتىعۋعا الماتى قالاسىنىڭ توتەنشە جاعدايلار دەپارتامەنتىنىڭ، تج اۋداندىق ءبولىمىنىڭ قىزمەتكەرلەرى، قالانىڭ «109» قۇتقارۋ قىزمەتى، سونداي-اق، مەكتەپ ديرەكتورلارى، مەكتەپكە دەيىنگى مەكەمەلەردىڭ مەڭگەرۋشىلەرى جانە بوستاندىق اۋدانى ءبىلىم ءبولىمىنىڭ باسشىسى قاتىستى.

        جاتتىعۋ ەكى كەزەڭدە ءوتتى: تەوريالىق – قاتىسۋشىلار جەر سىلكىنىسى كەزىندەگى ىس-ارەكەتتەر الگوريتمى تۋرالى اقپاراتتارمەن (ەۆاكۋاسيا جولدارى) تانىستىرىلىپ، سەيسميكالىق جاتتىعۋلاردى جوسپارلاۋ جانە جۇرگىزۋ بويىنشا ادىستەمەلىك ۇسىنىستارعا، سونىمەن قاتار، بالاباقشالاردا جانە جالپى ءبىلىم بەرەتىن مەكتەپتەردە ءورت قاۋىپسىزدىگىنىڭ تالاپتارىنىڭ ساقتالۋى بويىنشا  تۇسىنىكتەمە بەرىلدى.

         ق ر ءىىم تجك كوكشەتاۋ تەحنيكالىق ينستيتۋتىنا وقۋعا ءتۇسۋ بويىنشا ۇگىت-ناسيحات جۇمىستارى جۇرگىزىلدى. 

         ءبىرىنشى كەزەڭنىڭ سوڭىندا قاتىسۋشىلارعا  جەر سىلكىنىسى، ءورت جانە باسقا دا توتەنشە جاعدايلار كەزىندەگى مىنەز-قۇلىق ءتارتىبى تۋرالى جادناما مەن بروشيۋرالار تاراتىلدى.

        پراكتيكالىق بولىمدە – «نازار اۋدارىڭىزدار، بارىڭە!»  دىبىستىق بەلگىسى جىبەرىلگەن بەتتە، بارلىعى عيماراتتان شىعىپ ۇلگەردى. 

        سىنىپ جەتەكشىلەرى وقۋشىلارىن تۇگەندەگەن كەزدە 9-سىنىپتىڭ ەكى وقۋشىسىن جوعالعاندىعى تۋرالى  مەكتەپتىڭ اق باستىعىنا حابارلادى. 

         بالالاردى قۇتقارۋ ءۇشىن كينولوگيالىق ەسەپ جانە قالانىڭ قۇتقارۋ قىزمەتىنىڭ قۇتقارۋشىلارى تارتىلدى.

         قۇتقارۋشىلار زارداپ شەككەندەردى ءۇشىنشى قاباتتىڭ تەرەزەسىنەن ءتۇسىرىپ، العاشقى مەديسينالىق كومەك كورسەتۋ ءۇشىن دارىگەرلەرگە بەرۋ وپەراسيالارىن جۇرگىزدى.

         الماتى قالاسىنىڭ توتەنشە جاعدايلار دەپارتامەنتى باستىعىنىڭ ورىنباسارى پولكوۆنيك ە. الىبەكوۆتىڭ ايتۋىنشا، جۇرگىزىلگەن جاتتىعۋ زارداپ شەككەندەردى قۇتقارۋ، ىزدەۋ، كومەك بەرۋگە جانە ءورت، سەل، سۋ تاسقىنى، عيماراتتاردىڭ قۇلاۋى، قايتالاما ءزىلزالا فاكتورلارىن جويۋ  كەزىندە زارداپ شەگۋشىلەرگە العاشقى دارىگەرلىك كومەك كورسەتۋگە باعىتتالعان. 

         سەيسمولوگيا ينستيتۋتى بولجامدىق كوميسسيانىڭ قورىتىندىسىنا سىلتەمە جاساي وتىرىپ، بيىلعى جىلى الماتىدا جەتى باللدان جوعارى جەر سىلكىنىسى بولمايتىنىن ەسكەرتەمىز.