بۇگىن وبلىس باسشىلىعى «كپو ب.ۆ.» كومپانياسىنىڭ باس ديرەكتورى ەدۆين بلوممەن كەزدەستى. جۇزدەسۋدە جاڭا قىزمەتكە 1 ءساۋىر كۇنى رەسمي تۇردە كىرىسكەن كومپانيا باسشىسىنا وبلىس اكىمى التاي كولگىنوۆ ساتتىلىك تىلەپ، الداعى ۋاقىتتا جەمىستى ەڭبەك ەتەتىنىنە سەنىم ءبىلدىردى.

– ەلباسىمىز نۇرسۇلتان ءابىش ۇلىنىڭ ەلىمىزگە ينۆەستيسيا تارتۋ بويىنشا جۇرگىزىپ وتىرعان ساياساتىنىڭ ناتيجەسىندە 1997 جىلدان بەرى 23 ملرد.دوللار ينۆەستيسيا تارتىلدى. جىل سايىن كومپانيانىڭ نەگىزگى كاپيتالعا سالىنعان ينۆەستيسيا كولەمى 600 ملن. دوللاردى قۇرايدى. سوڭعى ءۇش جىلدا جەرگىلىكتى قامتۋ ۇلەسى 47%-دان 54%-عا ءوستى. بىلتىر رەكوردتىق كورسەتكىش – 32 ملن.دوللار ءبولىنىپ، وڭىرىمىزدە 45 جوبا جۇزەگە اسىرىلدى. كومپانيامەن بىرلەسىپ، ءبورلى اۋدانى، بەرەزوۆكا، بەستاۋ ەلدى مەكەندەرىنىڭ تۇرعىندارىن كوشىرۋ جۇمىستارىن ۋاقىتىلى اياقتادىق. ءسىزدىڭ باسشىلىعىڭىزبەن ورتاق جۇمىستاردى ودان ءارى تابىستى تۇردە جالعاستىرامىز دەگەن سەنىمدەمىن، – دەدى التاي كولگىنوۆ.

ءوز كەزەگىندە «كپو ب.ۆ.» كومپانياسىنىڭ باس ديرەكتورى ەدۆين بلوم ق ر پرەزيدەنتى نۇرسۇلتان نازاربايەۆتىڭ شەتەلدىك ينۆەستيسياعا بارىنشا قولداۋ كورسەتىپ وتىرعانىن جەتكىزىپ، بيزنەسكە جايلى كليمات قالىپتاسقان ەلدە كومپانيا تابىستى جۇمىستار اتقاراتىنىن اتاپ ءوتتى.

سونىمەن قاتار كەزدەسۋدە وڭىردەگى الەۋمەتتىك-ينفراقۇرىلىمدىق جوبالارعا جىل سايىن بولىنەتىن قارجى كولەمى 20 ملن.دوللاردان 30 ملن.دوللارعا ۇلعايعانىن اتاپ ءوتتى (5 جىلعا جالپى قوسىمشا سوماسى 50 ملن.دوللار). قازىرگى ۋاقىتتا ورتالىق مەملەكەتتىك ورگاندارمەن كەلىسۋ پروسەسىندە.

كەزدەسۋ سوڭىندا وبلىس اكىمى كومپانيا باستامالارى مەن ۇسىنىستارىنا اكىمدىك تاراپىنان قولداۋ بولاتىنىن جەتكىزدى.