قىتايدىڭ گۋانچجوۋ قالاسىندا 26 جاستاعى قازاقستاندىق كوز جۇمدى، دەپ حابارلايدى قازاقپارات.
جاس جىگىت 4 ساۋىردە قايتىس بولدى. الدىن الا اقپارات بويىنشا، ونىڭ جۇرەگى توقتاپ قالعان.
دوستارىنىڭ مالىمدەۋىنشە، ول ۇيگە فۋتبول ويناپ كەلگەننەن كەيىن ەستەن تانىپ قالعان كورىنەدى. جەدەل جاردەمدى مارقۇم بولعان جىگىت جالداپ تۇرىپ جاتقان پاتەردىڭ يەسى شاقىردى. مەديسينالىق قىزمەتكەرلەر بريگاداسى 10 مينۋتتان كەيىن جەتىپ، ونىڭ قايتىس بولعانىن ايتتى.
«قازىرگى ۋاقىتتا ءبىزدىڭ ديپلوماتتار بۇل ازاماتتىڭ تۋىستارىمەن سونداي-اق، گۋانچجوۋ قالاسى قۇقىق قورعاۋ ورگاندارىمەن بايلانىستا. جاقىن كۇندەرى ءمايىتتى قازاقستانعا جەتكىزۋ بويىنشا قاجەتتى راسىمدەردى جاساۋ ءۇشىن گۋانچجوۋعا كونسۋل باراتىن بولادى»، - دەلىنگەن ق ر ءسىم باسپا ءسوز قىزمەتىنىڭ حابارلاماسىندا.
