اقتوبە وبلىسىنىڭ اكىمى بەردىبەك ساپاربايەۆتىڭ تاپسىرماسى بويىنشا ساراپتاما كوميسسياسى قۇرىلىپ، ول كوپ قاباتتى عيماراتتاردا قىزمەت كورسەتەتىن ليفت جابدىقتارىنىڭ قاۋىپسىزدىگى مەن ساپاسىنا، سونداي-اق ولارعا قىزمەت كورسەتۋمەن اينالىساتىن كومپانيالاردى كەشەندى تەكسەرۋدى جۇرگىزەدى، دەپ حابارلايدى Qamshy.kz اقپارات اگەنتتىگى اقتوبە وبلىسى اكىمدىگىنىڭ باسپا ءسوز قىزمەتىنە سىلتەمە جاساي وتىرىپ.
– ءبىزدى وسى قايعىلى جاعداي قاتتى قوبالجىتتى. بۇل جاعدايدىڭ قايتالانۋىنا جول بەرمەۋ ءۇشىن قاجەتتى شارالاردى قابىلداۋعا ءتيىسپىز. قالا اكىمدىگى پروكۋراتۋرا مەن ءتيىستى مەملەكەتتىك ورگاندارمەن بىرلەسە وتىرىپ، بارلىق ليفتىلەردىڭ جۇمىسقا قابىلەتتىلىگىن، ولاردى جوندەۋ جانە كۇتۋدىڭ ساپاسىن مۇمكىندىگىنشە تەز تەكسەرۋى كەرەك. سونداي-اق، باسقارۋشى كومپانيالاردىڭ جۇمىسىن مامانداردىڭ قول جەتىمدىلىگى مەن ازاماتتاردىڭ قاۋىپسىزدىگىن قامتاماسىز ەتۋ بويىنشا مىندەتتەمەلەردى ورىنداۋىن تەكسەرۋ قاجەت، - دەپ اتاپ ءوتتى وبلىس اكىمى.
كوميسسيا قۇرامىنا تۇرعىن ۇي-كوممۋنالدىق، شارۋاشىلىق باسقارماسى، توتەنشە جاعدايلار دەپارتامەنتتەرى، ونەركاسىپتىك قاۋىپسىزدىك وكىلدەرى جانە باسقا دا ساراپشىلار كىردى.
قۇقىق قورعاۋ ورگاندارىنا وقيعانىڭ بارلىق جاعدايلارىن مۇقيات تەرگەۋ، قايعىلى وقيعانىڭ سەبەپتەرىن انىقتاۋ جانە كىنالىلەردى انىقتاۋ تاپسىرىلدى.
سونىمەن قاتار، بەردىبەك ساپاربايەۆ مارقۇم ايزات ءابدىساماتتىڭ تۋعان-تۋىستارى مەن جاقىندارىنا كوڭىل ايتتى.
