ق ر پارلامەنتى ءماجىلىسىنىڭ دەپۋتاتتارى باقىتگۇل حامەنوۆا،  يرينا ۋنجاكوۆا، تاراس حيتۋوۆ پەن گەنناديي شيپوۆسكيح ماڭعىستاۋ اۋدانىنىڭ شەتپە كەنتىندە ورنالاسقان «كاسپيي سەمەنت» زاۆودى ۇجىمىمىەن كەزدەستى، دەپ حابارلايدى Qamshy.kz اقپارات اگەنتتىگى ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنە سىلتەمە جاساپ. بۇل زاۋىت نەمىس تەحنولوگياسى بويىنشا حايدەلبەرگ ماركاسىمەن سەمەنت شىعارادى. ول ءوندىرىس كەزىندە قۇرعاق بور پايدالاناتىن الەمدەگى العاشقى زاۆودتاردىڭ ءبىرى. وندىرىستىك قۋاتى جىلىنا 800 مىڭ توننانى قۇرايدى. «كاسپيي سەمەنت» زاۆودى  ايماقتىڭ الەۋمەتتىك دامۋىنا  ۇلكەن ۇلەس قوسىپ كەلەدى. جەرگىلىكتى تۇرعىندادىڭ 60 پايىزى وسىندا جۇمىسقا ورنالاسقان.

كەزدەسۋ بارىسىندا دەپۋتاتتار باسپانالى بولۋعا، كاسىپكەرلىكتى دامىتۋ ءۇشىن نەسيە الۋعا، جاستاردىڭ گرانتپەن وقۋىنا مۇمكىندىك بەرەتىن پرەزيدەنتتىك بەس الەۋمەتتىك باستاما جايىندا ەگجەي-تەگجەيلى باياندادى.

- ەلباسىنىڭ ماڭىزدى الەۋمەتتىك باستامالارىن ساپالى زاڭدارمەن قامتاماسىز ەتۋدە حالىقتىڭ ۇسىنىستارى مەن پىكىرلەرى بىزگە وتە  قاجەت، - دەدى باقىتگۇل حامەنوۆا.

كەزدەسۋدە جۇمىسشىلار دەپۋتاتتارعا وزدەرىن تولعاندىرعان سۇراقتاردى قويىپ، پىكىر الماستى.