الماتى قالاسى، اۋەزوۆ اۋدانىنا قاراستى №62 بالاباقشاسىندا «بولاشاققا باعدار: رۋحاني جاڭعىرۋ» باعدارلاماسى اياسىندا قالالىق «بالاپان» بايقاۋى ءوتتى. بايقاۋعا ەرەجە بويىنشا مەكتەپ جاسىنا دەيىنگى كىشى جاس-3 جاستان 4 جاسقا دەيىنگى بالالار 5-7 مينۋت، ودان كەيىن ورتا جاس-4 جاستان 5 جاسقا دەيىنگى بالالار 10-15 مينۋت، ءۇشىنشىسى مەكتەپكە دەيىنگى ەستيار جاس-5 جاستان 6(7) جاسقا دەيىنگى بالالار 15-20 مينۋت ءوز ونەرلەرىن كورسەتۋى ءتيىس.
«بالاپان» بايقاۋىنىڭ اشىلۋ سالتاناتىندا №62 بالاباقشا مەڭگەرۋشىسى قيالبەكوۆا گۇلنازىم قۇلاحمەت قىزى:
– اتالعان بايقاۋدى ۇيىمداستىرۋداعى باستى ماقساتىمىز - «رۋحاني جاڭعىرۋ» باعدارلاماسىن مەكتەپكە دەيىنگى ءبىلىم بەرۋ ۇيىمدارىنىڭ اراسىندا كەڭىنەن ناسيحاتتاپ، مادەني-رۋحاني قۇندىلىقتارعا بەتبۇرىس جاساۋ. سونىمەن قاتار، وسى بايقاۋ ارقىلى مەكتەپ جاسىنا دەيىنگى بالالاردىڭ شىعارماشىلىق ورتاسىن دامىتا وتىرىپ، رۋحاني قۇندىلىقتارمەن جاقىنداستىرا ءتۇسىرۋ بولىپ تابىلادى،-دەدى ءوز سوزىندە. سونىمەن قاتار گۇلنازىم حانىم بارلىق سايىسقا تۇسۋشىلەرگە ساتتىلىك تىلەدى.
بۇلدىرشىندەر بايقاۋىندا العاش بولىپ №1 مەكتەپكە دەيىنگى دايارلىق «سۇڭقار» توبىنىڭ بالالارى وڭعاربەك ديماش، ايدارحان مادي، سىرلى داناي، زۇلقارناي ۇلى دياس، ءبىرجان قىزى ارۋجان «الاش ۇلدارى» ولەڭىنە بي بيلەپ، كورەرمەن كوزايىمىنا اينالدى. №2 «بايشەشەك» توبىنىڭ بالالارى سارىباسوۆا ايزەرە، كەنجەتاي ۇلى اسلان، نۇرعالي اليحان، يسحان ماديار، نۇرديللاۇلجان، ەرلان قىزى اسىلايىم «سمۋگليانكاعا» بيلەدى. №1 «كۇنشۋاق» توبىنىڭ بالالارى قاناعات جانايىم، باقىتبەك ۇلى ميراس تاريحي مازمۇنعا باي كورىنىس قويسا، №3 «قارلىعاش» توبىنىڭ بالالارى نۇرلان ايارۋ، دالەتبەك ادىلەت «مى ەحو» مۋزىكاسىنا ۆالس بيلەپ، ءوز ونەرلەرىن كورسەتتى.
«بالاپان» بايقاۋىنىڭ جەڭىمپازىن انىقتاۋ اۋەزوۆ اۋدانىنا قاراستى №34 بالاباقشانىڭ مەڭگەرۋشىسى مۋستاپايەۆا گۋلدان تۋلەگەنقىزىنا، №54 بالاباقشا مەڭگەرۋشىسى پەرۆىح ولگا ۆاسيليەۆنا جانە اۋەزوۆ اۋدانىنىڭ بالاباقشاداعى مۋزىكا جەتەكشىلەرىنىڭ ادىسكەرى داۋلەتياروۆا قۇرالاي مايلىبايقىزىنا مىندەتتەلگەن. جەڭىسپاز سارسەنبى كۇنى انىقتالادى. الدىمەن قازىلار القاسى اۋەزوۆ اۋدانىنا قاراستى 42 بالاباقشا بۇلدىرشىندەرىنىڭ ونەرىن تاماشالاپ، قورىتىندى ناتيجەسىن شىعارۋى ءتيىس. سونىڭ ىشىنەن توپ جارىپ شىققان ۇزدىگى قالالىق بايقاۋعا جولداما الادى.
پىكىر قالدىرۋ