مەملەكەت باسشىسىنىڭ ەلىمىزدە جاڭا تۇرعىن ءۇي باعدارلاماسىن ىسكە قوسۋ تۋرالى باستاماسى ناۋرىز ايىنداعى ەڭ باستى وقيعا بولدى. بۇل جۇمىس ىستەيتىن ءار ازاماتتىڭ باسپاناعا قول جەتكىزۋىنە مۇمكىندىك بەرۋگە ءتيىس. وسى جانە وزگە دە وقيعالارعا جايىندا Qamshy.kz اقپارات اگەنتتىگى Kn.kz سايتىنىڭ مالىمەتىنە سۇيەنءىپ جازادى.
- نەسيە الۋشىلار بانك كوميسسياسىنان ءجانە تولەمدى كەشىكتىرگەنءى ءۇشىن ايىپپۇل تولەۋدەن بوساتىلادى
بانكتەرگە نەسيە بەرگەندە جانە شوتقا قىزمەت كورسەتۋ كەزىندە كوميسسيا ۇستاپ قالۋعا تىيىم سالۋ جوسپارلانىپ وتىر. بۇل جونىندە ادىلەت ءمينيسترى مارات بەكەتايەۆ ءماجىلىس وتىرىسىندا مالىمدەگەن بولاتىن. سونىمەن قاتار بانك شوتىنا اۋدارىلاتىن قارىز بەن بانك شوتىن جۇرگىزۋدە كوميسسيا الىنبايدى.
- ەلباسى «7-20-25» اتتى جاڭا تۇرعىن ءۇي باعدارلاماسىن ۇسىندى
پرەزيدەنت نۇرسۇلتان نازاربايەۆ «7-20-25» باعدارلاماسىن ىسكە اسىرۋ تۋرالى ۇسىنىس ايتتى. جۇمىس ىستەيتىن ءاربىر قازاقستاندىق وسى باعدارلامانىڭ اياسىندا ءتيىمدى شارتتارمەن يپوتەكاعا پاتەر الا الادى.
- اقپان ايىندا قازاقستانداعى جاڭا عيماراتتاردىڭ باعاسى ءوستى
قىستىڭ سوڭعى ايىندا جاڭادان سالىنعان تۇرعىن ۇيلەر 0،2%-عا قىمباتتادى. الايدا تولىق جابدىقتالعان نەمەسە جابدىقتالماعان پاتەرلەردى قايتا ساتۋ باعاسى وزگەرىسسىز قالدى. ەليتالى تۇرعىن ۇيلەردى قايتا ساتۋ باعاسى 0،1%-عا تومەندەگەن. ستاتيستيكالىق مالىمەتتەرگە سايكەس، 2017 جىلدىڭ قاڭتار-اقپان ايلارىنا دەيىن ءبىر جىلدىڭ ىشىندە جاڭادان سالىنعان پاتەرلەردىڭ قۇنى استانادا (+5،1%)، اقتوبەدە (+5،1%)، ورالدا (+2،3%) قىمباتتاعان ەدى. جىل بويىنشا ەڭ جوعارى كورسەتكىش تالدىقورعاندا بولدى (+56،8%). ءبىر جىلدىڭ ىشىندە جاڭادان سالىنعان تۇرعىن ۇيلەر الماتىدا (-4،3%)، پاۆلوداردا (-16،6%)، شىمكەنتتە (-2،6)، قوستاناي مەن كوكشەتاۋدا سايكەسىنشە 1،2% بەن 1،6%-عا دەيىن ارزانداعان.
- جاڭا «7-20-25» تۇرعىن ءۇي باعدارلاماسى ءتورت كەزەڭ بويىنشا جۇزەگە اسىرىلادى
ۇلتتىق بانك «7-20-25. ءاربىر وتباسىعا باسپانالى بولۋعا جاڭا مۇمكىندىك» باعدارلاماسىن جۇزەگە اسىرۋعا كىرىسىپ كەتتى. جاڭا باعدارلاما ەلباسىنىڭ بەس الەۋمەتتىك باستاماسى اياسىندا جۇزەگە اسىرىلىپ، تۇرعىن ءۇي يپوتەكاسىنىڭ قولجەتىمدى بولۋىنا باسا نازار اۋدارادى. دانيار اقىشيەۆ بۇل باعدارلامانى ىسكە اسىرۋ كەزىندە ەڭ الدىمەن بۇعان دەيىنگى باعدارلامالاردىڭ تاجىريبەسىنە كوڭىل اۋدارۋ قاجەتتىگىن اتاپ ءوتتى.
- جاڭا تۇرعىن ءۇي باعدارلاماسى بويىنشا وسى جىلدىڭ ەكىنشى جارتىسىنان باستاپ نەسيە بەرىلەتىن بولادى
ق ر ۇلتتىق بانكى ءتوراعاسىنىڭ ورىنباسارى ولەگ سمولياكوۆتىڭ ايتۋىنشا، باعدارلامانىڭ نەگىزگى باعىتتارى پرەزيدەنتتىڭ بەس الەۋمەتتىك باستاماسىنىڭ اياسىندا ىسكە قوسىلادى. «7-20-25» باعدارلاماسى بويىنشا نەسيەنىڭ ۇستەمە پايىزى جىلىنا 7% بولادى، العاشقى جارنا سومانىڭ 20%-نان اسپاۋعا ءتيىس، ال نەسيەنىڭ بەرىلەتىن مەرزىمى 25 جىلعا دەيىن بولماق.
- جاڭا قۇرىلىس ماتەريالدارىنا سىناق جۇرگىزىلدى
قازاقستان اۋماعىندا قولدانىلاتىن قۇرىلىس ماتەريالدارىنا سىناق جۇرگىزىلدى. زەرتتەۋ جۇمىستارى قازاق قۇرىلىس جانە ساۋلەت عىلىمي-زەرتتەۋ ينستيتۋتىنىڭ زەرتحاناسىندا ءوتتى. سىناق كەزىندە دىرىلدەۋىش كولىكتەر ارقىلى عيماراتتىڭ ءبىر بولىگى تەربەلىستى كۇيگە كەلتىرىلدى جانە 9 باللدىق جەر سىلكىنىسىنە تەڭ ديناميكالىق سالماق ءتۇسىرىلدى.
- قالالىق كاداستر ساۋلەت جانە قۇرىلىس جۇمىستارىندا اشىقتىقتى قامتاماسىز ەتەدى
قازاقستاندا قۇرىلىس يندۋسترياسىن سيفرلاندىرۋ شەڭبەرىندە مەملەكەتتىك قالالىق كاداستر قۇرىلۋدا. ول ساۋلەت جانە قۇرىلىس جۇمىستارىندا اشىقتىقتى قامتاماسىز ەتەدى، ينفراقۇرىلىمنىڭ قولجەتىمدىگى، ينجەنەرلىك كوممۋنيكاسيالارعا قوسىلۋ مۇمكىندىكتەرى تۋرالى حالىققا جانە بيزنەسكە قاجەتتى اقپاراتتى ۇسىنۋعا مۇمكىندىك بەرەدى. قالالىق كاداستر جەردىڭ بەتىندە جانە جەردىڭ استىنداعى بارلىق جىلجىمايتىن مۇلىك پەن ينفراقۇرىلىم وبەكتىلەرى تۋرالى ءبىرىڭعاي اقپارات جۇيەسىن ۇسىنادى.
- بارلىق يپوتەكالىق نەسيەنى تەڭگەگە اۋىستىرادى
ق ر ۇلتتىق بانك باسقارماسى 2015 جىلدىڭ ءساۋىر ايىندا قابىلدانعان يپوتەكالىق نەسيەنى قايتا قارجىلاندىرۋ باعدارلاماسىنا ەنگىزىلگەن وزگەرىستەر مەن تولىقتىرۋلاردى بەكىتتى. دانيار اقىشيەۆتىڭ ايتۋىنشا، وزگەرتۋلەر مەن تولىقتىرۋلار ەكى بلوكتان تۇرادى. ءبىرىنشى بلوك 2016 جىلعى 1 قاڭتارعا دەيىن ۇسىنىلعان حالىقتىڭ يپوتەكالىق تۇرعىن ءۇي نەسيەلەرى بويىنشا ماسەلەلەردى تۇپكىلىكتى شەشۋگە باعىتتالعان. وسى باعدارلامانى ىسكە اسىرۋ ناتيجەسىندە تۇرعىنداردىڭ جانە باسقا دا جىلجىمايتىن مۇلىكتىڭ كەپىلدىگى بار تۇلعالاردىڭ بارلىق شەتەل ۆاليۋتاسىنداعى يپوتەكالىق نەسيەلەرى تەڭگەگە اۋىستىرىلادى.
- تۇرعىن ءۇيدى پايدالانۋعا بەرۋ قارقىنى تومەندەدى
2018 جىلدىڭ قاڭتار-اقپان ايلارىندا قازاقستان بويىنشا 1،9 ملن شارشى مەتر تۇرعىن ءۇي پايدالانۋعا بەرىلگەن، بۇل بىلتىرعىمەن سالىستىرعاندا 17،6%-عا كەم. وتكەن جىلدىڭ العاشقى ەكى ايىنداعى كورسەتكىش 2016 جىلمەن سالىستىرعاندا 44،7%-عا دەيىن وسكەن. تۇرعىن ءۇي قۇرىلىسىنىڭ قارقىنى 2013 جىلدان تومەندەي باستاعان.
- قاراعاندى وبلىسىندا بۇزىلعان ۇيلەردى قالپىنا كەلتىرە باستايدى
قاراعاندى وبلىسىنداعى قيراعان ۇيلەردى قالىپقا كەلتىرۋ ءۇشىن وبلىسقا كاسىپكەرلەردى تارتۋ كوزدەلگەن. بيلىك وكىلدەرى «رۋحاني جاڭعىرۋ» باعدارلاماسى بويىنشا تۇرعىن ۇيلەردى سالۋ جانە قيراعان ۇيلەردى قالپىنا كەلتىرۋگە قارجى جۇمساۋعا دايىن ينۆەستورلارمەن كەزدەسىپ، كەلىسسوزدەر جۇرگىزەتىن بولادى. بۇزىلعان ۇيلەردە تۇراتىن تۇرعىنداردى جاعدايى جاقسى ۇيلەرگە كوشىرۋ قولعا الىنادى، ال ەسكى عيماراتتار جوندەلەدى نەمەسە ورنىنا باسقا تۇرعىن ۇيلەر سالىناتىن بولادى. اپاتتى جاعدايداعى تۇرعىن ۇيلەردىڭ كوپشىلىگى جەزقازعاندا ورنالاسقان، 28 تۇرعىن ءۇيدىڭ 16-سى قايتادان قالىپقا كەلتىرۋگە جارامايدى.
پىكىر قالدىرۋ