ەلباسى نۇرسۇلتان نازاربايەۆ ءبىلىم جانە عىلىم ءمينيسترى ەرلان ساعادييەۆپەن كەزدەستى، دەپ جازادى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا مينيستر ەلباسىعا 2016-2019 جىلعا ارنالعان ءبىلىم مەن عىلىمدى دامىتۋ جونىندەگى مەملەكەتتىك باعدارلامانىڭ جۇزەگە اسىرىلۋى جونىندە ەسەپ بەردى.

نۇرسۇلتان نازاربايەۆ ەلىمىزدەگى ساياسي، ەكونوميكالىق جانە الەۋمەتتىك رەفورمالاردىڭ جۇزەگە اسىرۋدا وقۋ جۇيەسىنىڭ ماڭىزى زور ەكەنىن اتاپ ءوتتى.

«ءبىز جۇزەگە اسىرۋعا ءتيىس بارلىق باعدارلامالىق قۇجاتتاردا، سونىڭ ىشىندە بيىلعى «قازاقستانداعى ءتورتىنشى يندۋستريالدىق ريەۆوليۋسيانىڭ جاڭا مۇمكىندىكتەرى» جولداۋىندا جانە «رۋحاني جاڭعىرۋ»، سونىمەن قاتار، سيفرلاندىرۋدى دامىتۋدا ءبىلىم بەرۋ جۇيەسى باستى ءرول اتقارادى. اتالعان بارلىق باستامانى ءساتتى جۇزەگە اسىرۋ ءۇشىن ساپالى ءبىلىم قاجەت»، - دەپ اتاپ ءوتتى قازاقستان پرەزيدەنتى.

مەملەكەت باسشىسى ەلىمىزدىڭ ءبىلىم بەرۋ جۇيەسىندە جۇزەگە اسىرىپ جاتقان رەفورمالاردىڭ ۋاقىتىلى ەكەنىن باسا ايتىپ ءوتىپ، اعىلشىن تىلىندە جەكە پاندەردى وقىتۋعا كوشۋ ۇردىسىنە بولەك توقتالىپ ءوتتى.

«اعىلشىن تىلىندە جەكە پاندەردى وقىتۋ جوعارعى سىنىپتاردا جۇرگىزىلەتىن بولادى. بالالاردى ءقازىر اعىلشىن تىلىنە ۇيرەتپەسەك، بولاشاقتا تولىققاندى كادرلار دايىنداي الامىز دەپ ايتا المايمىن. بۇل – ۋاقىت تالابى جانە اتا-انالار بۇعان تۇسىنىستىكپەن قاراۋى كەرەك. الايدا بالالاردى قازاق تىلىندە وقىتۋدى دا ۇمىتپاۋ كەرەك»، - دەدى نۇرسۇلتان نازاربايەۆ.

كەزدەسۋ بارىسىندا ەرلان ساعادييەۆ مەملەكەتتىك جانە سالالىق باعدارلامالار شەڭبەرىندە مينيسترلىككە جۇكتەلگەن مىندەتتەردىڭ قالاي ورىندالىپ جاتقانىن حابارلادى.

مينيستر مەكتەپكە دەيىنگى ءبىلىم بەرۋ جۇيەسىن جەتىلدىرۋ جونىندەگى جۇمىستاردىڭ ارالىق قورىتىندىلارى تۋرالى باياندادى.

«2018 جىلى بالالاردىڭ 95 پايىزى مەكتەپكە دەيىنگى ءبىلىم بەرۋمەن قامتىلدى. بۇل نەگىزىنەن جەكەمەنشىك بالاباقشالاردى سالۋ ارقىلى جۇزەگە اسىرىلادى. 2019 جىلى ەرتە دامىتۋ بويىنشا ءبىرىڭعاي ستاندارتتار ەنگىزىلەتىن بولادى. تاعى دا ايتا كەتۋ كەرەك، بۇگىندە بالالاردى بالاباقشاعا كەزەككە تۇرعىزۋ ءۇشىن ءموبيلدى قوسىمشانى پايدالانۋعا بولادى»، - دەپ ايتىپ ءوتتى مينيستر.

سونىمەن قاتار ەرلان ساعادييەۆ نازاربايەۆ زياتكەرلىك مەكتەپتەرىنىڭ تاجىريبەسىنە نەگىزدەلگەن مەكتەپتەردى جاڭارتىلعان مازمۇنعا كوشىرۋدىڭ ناتيجەلەرىن تانىستىردى.

مينيستر اعىلشىن تىلىندە جەكە پاندەردى وقىتۋ بويىنشا مۇعالىمدەردى وقىتۋدىڭ جەتىستىكتەرىن ءتىزىپ كورسەتتى.

«2016 جىلى تەك 2 مىڭعا جۋىق ءمۇعالىم عانا اعىلشىن تىلىندە ساباق بەرەتىن. بىلتىر ءتيىستى كۋرسقا قاتىسۋعا 11،5 مىڭ ادام ءوتىنىش بەرگەن، ونىڭ ىشىندە 3 مىڭداي ءمۇعالىم كۋرستى اياقتاپ، اعىلشىن تىلىندە ءبىلىم بەرە باستادى. 8 مىڭعا جۋىعى ءوزىنىڭ وقۋىن جالعاستىرىپ، قاجەتتى دەڭگەيگە ءوتىپ جاتىر. 2019 جىلى 13،5 مىڭ مەكتەپ ءمۇعالىمى ءتورت ءپاندى اعىلشىن تىلىندە ۇيرەتۋدى باستايدى»، - دەدى ەرلان ساعادييەۆ.

كەزدەسۋدىڭ سوڭىندا ەلباسى مينيسترگە ءبىرشاما تاپسىرما بەردى.