پۋەرتوريكولىق ءانشى لۋيس ءفونسيدىڭ Despacito ءانىنىڭ رەسمي بەينەبايانى YouTube پلاتفورماسىنان ءوشىرىلدى. بۇل تۋرالى The Independent باسىلىمى حابارلادى.
باسىلىمنىڭ حابارلاۋىنشا، روليكتىڭ جوعالۋى حاكەرلىك شابۋىلدىڭ ناتيجەسىندە بولعان. Vevo مۋزىكالىق اككۋانتتارىنا شابۋىل جاساعان. بەينەباياننىڭ ورنىنا بەتپەردە كيگەن ادامدار مەن تۇرمە قۇرباندارىنىڭ ۆيدەوسى جۇكتەلگەن.
Despacito بەينەبايانىنان باسقا شاكيرا، سەلەنا گومەز، تەيلور سۆيفت سياقتى تانىمال انشىلەردىڭ بەينەباياندارى جويىلعان.
بۇل شابۋىلدىڭ ارتىندا حاكەرلىك Prosox نەمەسە Kuroi'sh توپتارى تۇرۋى مۇمكىن.
ايتا كەتەيىك، 5 ءساۋىر كۇنى تانىمال Despacito ءانىنىڭ بەينەبايانى بەس ميلليارد كورىلىم جيناپ، YouTube تاريحىنداعى ەڭ كوپ كورىلىم جيناعان ۆيدەو رەتىندە تىركەلدى.
