برازيليانىڭ بەلەن قالاسىندا ورنالاسقان سانتا-يزابەل تۇرمەسىندە جازاسىن وتەپ جاتقاندار قاماۋدان قاشپاق بولعان. ناتيجەسىندە 23 ادام ولگەن. بۇل تۋرالى Globo تەلەارناسى حابارلادى. مالىمەتتەرگە سۇيەنسەك، قازا تاپقانداردىڭ ءبىرى تۇرمە كۇزەتشىسى جانە قالعان 22 ادام قاماۋداعىلار.
تۇرمەدەن قاشىپ شىعۋ جوسپارى الدىن الا ويلاستىرىلعان. 15 ادامنان قۇرالعان قارۋلى توپ تۇرمەگە شابۋىل جاساعان. جازاسىن وتەۋشىلەردىڭ قاشۋىنا كومەكتەسكەندەر قولدان جاسالعان جارىلعىشتاردىڭ كومەگىمەن تۇرمە قابىرعالارىنىڭ ءبىرىن جارىپ جىبەرگەن. قاماۋداعىلار دا قارۋلى بولعان.
