بۇگىن ق ر ءدىن ىستەرى جانە ازاماتتىق قوعام ءمينيسترى دارحان كالەتايەۆ قازاقستان كاسىپوداقتار فەدەراسياسىنىڭ ءتوراعاسى باقىتجان ابدىرايىممەن كەزدەستى، دەپ حابارلايدى Qamshy.kz اقپارات اگەنتتىگى ق ر ءدىن ىستەرى جانە ازاماتتىق قوعام مينيسترلىگىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا ازاماتتىق قوعام سالاسىنداعى ۋاكىلەتتى ورگاننىڭ جانە كاسىپوداق ۇيىمدارىنىڭ الەۋمەتتىك سەرىكتەستىكتى دامىتۋ بويىنشا ءوزارا ءىس-قيمىلدى نىعايتۋ ماسەلەلەرى تالقىلاندى.
دارحان كالەتايەۆ ەڭبەك قاتىناستارىن رەتتەۋدە جانە ەلدىڭ الەۋمەتتىك-قوعامدىق دامۋىندا كاسىپوداق ۇيىمىنىڭ قوعامدىق ينستيتۋت رەتىندە ايرىقشا ءرول اتقاراتىنىن اتاپ ءوتتى.
كەزدەسۋ بارىسىندا ىنتىماقتاستىقتىڭ نەگىزگى باسىمدىقتارى رەتىندە الەۋمەتتىك ارىپتەستىكتىڭ جۇيەسىن دامىتۋ جانە ۇكىمەتتىك ەمەس ۇيىمداردى تارتۋ، مەملەكەتتىك باعدارلامالاردى تۇسىندىرۋگە بەلسەندى قاتىسۋ، ەڭبەك ۇجىمدارىندا الەۋمەتتىك جانە قوعامدىق تۇراقتىلىقتى ساقتاۋ ءۇشىن تاراپتاردىڭ كۇش-جىگەرىن بىرىكتىرۋ جايى ايتىلدى.
قازاقستان كاسىپوداقتار فەدەراسياسىنىڭ ءتوراعاسى باقىتجان ءابدىرايىم ءوز سوزىندە بىرلەسكەن الەۋمەتتىك جوبالاردى جۇزەگە اسىرۋ جۇمىستارىنا قاتىسۋعا دايىن ەكەندىگىن ءبىلدىردى.
كەزدەسۋ قورىتىندىسى بويىنشا تاراپتار ءوزارا ىقپالداستىق دەڭگەيىن ودان ءارى ارتتىرۋدىڭ ماڭىزدىلىعىن اتاپ ءوتتى.
