«7-20-25» يپوتەكالىق باعدارلاماسىنا 2018 جىلدىڭ مامىرىنان باستاپ قازاقستاننىڭ تۇراقتى تابىسى بار بارلىق ازاماتى قاتىسا الادى. بۇل تۋرالى ۇلتتىق بانك ءتوراعاسى دانيار اقىشيەۆ مالىمدەدى.

جاڭا باعدارلاماعا سايكەس، نەسيە ءوسىمىنىڭ مولشەرلەمەسى جىلىنا – 7 پايىزدان، باستاپقى جارناسى – 20 اسپايدى اسپايدى. ال نەسيە مەرزىمى – 25 جىل.

«يپوتەكالىق باعدارلاما جاڭا تۇرعىن ۇيلەرگە ەسەپتەلگەن. بولاشاقتا باعدارلاماعا ەكىنشى دەڭگەيلى تۇرعىن ۇيلەردى دە ەنگىزۋ مۇمكىندىگى قارالماق. ءار وبلىستا باسپانا باعاسى ءارتۇرلى بولعاندىقتان، يپوتەكالىق قارىزدىڭ ماكسيمالدى مولشەرى وڭىرگە بايلانىستى سارالانادى»، - دەدى دانيار اقىشيەۆ.

ۇلتتىق بانك ءتوراعاسىنىڭ ايتۋىنشا، باعدارلاماعا سايكەس يپوتەكالىق تۇرعىن ءۇي قارىزى تەك تەڭگەمەن بەرىلەدى. ال بانكتەر يپوتەكالىق زايمدى الۋ جانە قىزمەت كورسەتۋ كەزىندە ەشقانداي كوميسسيا المايدى.

ايتا كەتەيىك، 2018 جىلدىڭ 5 ناۋرىزىندا قازاقستان پرەزيدەنتى نۇرسۇلتان نازاربايەۆتىڭ «پرەزيدەنتتىڭ بەس الەۋمەتتىك باستاماسى» اتتى حالىققا ۇندەۋى جاريالاندى. ونداعى «7-20-25» باعدارلاماسىن ەلباسى قازاقستاندىقتاردىڭ باسپانا الۋ مۇمكىندىكتەرىن كەڭەيتۋ ءۇشىن جاسالعانىن ايتىپ وتكەن.