مەنەدجەر اننا ريەۆا Sports.kz سايتىنا بەرگەن سۇحباتىندا ءوزىنىڭ قازاقستاندىق شاكىرتى سادريددين احمەدوۆتىڭ كاسىپقوي بوكستاعى العاشقى جەكپە-جەگىندەگى جەڭىسىن كانادالىقتار قالاي قابىلداعانىن ايتا كەلە، بۇل بوكسشىنىڭ بولاشاعى تۋرالى پىكىرىن ءبىلدىردى دەپ جازادى Qamshy.kz اقپارات اگەنتتىگى.
«كانادالىقتار قاتتى تاڭعالدى، كەيبىرى ءتىپتى نە بولعانىن تۇسىنگەن جوق، ويتكەنى جەكپە-جەك وتە قىسقا بولدى. ءبىزدىڭ پروموۋتەرلەر وعان ۇلكەن ءۇمىت ارتىپ وتىرعانىن عانا اتاپ وتە الامىن. جانكۇيەرلەردىڭ كوبىسى ونى تانىمايتىنى تۇسىنىكتى، الايدا بۇل ۋاقىتتىڭ ەنشىسىندەگى شارۋا»، — دەپ ەسەپتەيدى بوكسشىنىڭ وكىلى.
ايتا كەتسەك، سادريددين احمەدوۆ مەكسيكالىق توني باررەراستى جەكپە-جەكتىڭ 31 سەكۋندىندا نوكاۋتقا جىبەردى.
پىكىر قالدىرۋ