بۇگىن قازاقستاننىڭ باسىم بولىگىندە اۋا رايى جاۋىن-شاشىنسىز بولادى، دەپ جازادى Qamshy.kz اقپارات اگەنتتىگى. رەسپۋبليكانىڭ سولتۇستىك، سولتۇستىك-باتىس جانە ورتالىق وڭىرىندە عانا اتموسفەرالىق فرونتتاردىڭ وتۋىنە بايلانىستى  جاڭبىر جاۋادى. كەي جەرلەردە جەل كۇشەيىپ، تۇمان، كوكتايعاق كۇتىلەدى.

بۇل تۋرالى ق ر ءىىم تجك باسپا ءسوز قىزمەتى حابارلايدى. الماتى وبلىسىنىڭ كەي جەرلەرىندە جەلدىڭ جىلدامدىعى 17-22 م/س-عا جەتىپ، جالاڭاشكول اۋدانىندا ەكپىنى 27 م/س-عا دەيىن كۇشەيەدى. تۇنگى ۋاقىتتا تۇمان تۇسەدى.  قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى، جەلدىڭ جىلدامدىعى 15-20 م/س-عا دەيىن كۇشەيەدى.

وڭتۇستىك قازاقستان، اتىراۋ، پاۆلودار، شىعىس قازاقستان، كۇندىز اقتوبە، قاراعاندى وبلىستارىنىڭ كەي جەرلەرىندە جەلدىڭ كۇشى 15-20، شىعىس قازاقستان وبلىسىندا ەكپىنى 25 م/س-عا دەيىن جەتەدى. اقمولا وبلىسىنىڭ كەي جەرلەرىندە تۇمان ءتۇسىپ، جەلدىڭ جىلدامدىعى 15-20 م/س بولادى. قىزىلوردا وبلىسىنىڭ كەي جەرلەرىندە كۇندىز كوكتايعاق، جەلدىڭ جىلدامدىعى 15-20 م/س بولادى.  ماڭعىستاۋ، باتىس قازاقستان وبلىستارىنىڭ كەي جەرلەرىندە تۇمان كۇتىلەدى. تۇندە الماتى وبلىسىنىڭ كەي جەرلەرىندە 2 گرادۋسقا دەيىن ۇسىك ساقتالادى.