وقيعا اعىمداعى جىلدىڭ قاڭتارىندا ماحامبەت اۋدانىندا بولعان. اتىراۋلىق قالادان 20 شاقىرىم جەردە ورنالاسقان  ورمان القابىنا دوسىمەن بىرگە اڭعا شىققان. ەر ادامدا وزىمەن  بىرگە تىركەلگەن قارۋى بولعان. بۇل جايىندا موي گورود باسىلىمى حابارلايدى. 

اتىراۋ قالاسى №2 سوتتىڭ باسپا ءسوز قىزمەتىنىڭ حابارلاۋىنشا، اڭشىلار ادامدى قاسقىر دەپ ويلاعان.

— جوسپارلاعان جەرگە ورنالاسىپ بولعان سوڭ ەر ادامداردىڭ ءبىرى قاسقىرعا ۇقسايتىن ەكى ادامدى بايقايدى. الايدا ونىڭ قاسقىر ەكەنىنە كوز جەتكىزبەي تۇرىپ، وق اتقان. سول ساتتە بۇتانىڭ ار جاعىنان ەر ادامنىڭ داۋىسى ەستىلگەن. وق اتقان ادام بارعاندا جارالىنىڭ قاسقىر ەمەس ادام ەكەنىن كورگەن، - دەيدى اتىراۋ قالالىق №2 سوت باسپا ءسوز قىزمەتى.

سوت كىنالىنىڭ ءوز قىلمىسىن تولىقتاي مويىنداعانىن ەسكەرىپ، سونىمەن قاتار بۇرىن ءىستى بولماعانىن نازارعا الىپ 1 جىل باس بوستاندىعىنان ايىردى.