«رەال» فۋتبول كلۋبىنىڭ شابۋىلشىسى كريشتيانۋ رونالدۋ ءالى كۇنگە دەيىن بۇرىنعى عاشىعى رەسەيلىك سانبيكە يرينا شەيكتى ۇمىتپاعانىن مويىندادى. بۇل تۋرالى فۋتبولشىنىڭ دوسى شەتەلدىك باسىلىمدارعا بەرگەن سۇحباتىندا ايتتى.

دوستارىمەن اڭگىمە اراسىندا فۋتبولشى يرينا شەيكپەن ارا-قاتىناسىنىڭ ۇزىلگەنىنە وكىنەتىنىن بىلدىرگەن. ءارى رونالدۋ بۇرىنعى عاشىعىنىڭ ءومىرىن ءالى كۇنگە دەيىن باقىلاپ وتىرادى، كۇيەۋىنەن قىزعانادى.

ەكەۋىنىڭ قارىم-قاتىناسى فۋتبولشىنىڭ كارەراسىنىڭ كەسىرىنەن توقتاعان. «يرينا شەيك بالا ءسۇيۋدى قالاعاندا رونالدۋ فۋتبولدا جەتىستىككە جەتۋدى ارمانداعان. الايدا شەيكتى كەتىپ قالادى دەپ مۇلدە ويلاماعان»، - دەدى رونالدۋدىڭ دوسى.

ايتا كەتەيىك، 2015 جىلى فۋتبولشى تۋرالى «رونالدۋ» اتتى دەرەكتى فيلم جارىق كوردى. الايدا فيلمدە يرينا شەيكتىڭ ەسىمى مۇلدەم اتالماعان. مۇنىڭ سەبەبىن رونالدۋ «ومىردە ءتۇرلى ساتتەر بولادى. ءبارىنىڭ ماڭىزدى بولۋى مىندەتتى ەمەس. يرينا دا ءدال سول سەكىلدى» دەگەن ەدى جۋرناليستەرگە بەرگەن سۇحباتىندا.

كريشتيانۋ رونالدۋ 2016 جىلدان بەرى يسپاندىق سانبيكە دجوردجينا رودريگەسپەن جاقىن ارالاسىپ، 2007 جىلى ەكەۋى قىزدى بولعان.

ال يرينا شەيك رونالدۋدان كەيىن اكتەر برەدلي كۋپەرمەن باس قوستى.