ق ر ەكونوميكا ءمينيسترى تيمۋر سۇلەيمەنوۆ بۇگىنگى ۇكىمەت ساعاتىندا ەلىمىزدىڭ ەكونوميكالىق جاعدايىنا تۋراسىندا بايانداما جاسادى، دەپ حابارلايدى Qamshy.kz اقپارات اگەنتتىگى.

"اعىمداعى جىلى ءبىرىنشى توقساندا ەل ەكونوميكاسىندا جاعىمدى ۇردىستەر ساقتالدى. ەسەپتىك كەزەڭدە جالپى ىشكى ءونىمنىڭ ءوسۋى 4،1 پايىزدى قۇرادى. 2017 جىلعى سايكەس كەزەڭدە 3،6 پايىز بولعان. مۇنداي سەرپىن ونەركاسىپتىڭ، اۋىلشارۋاشىلىعىنىڭ جانە كورسەتىلەتىن قىزمەتتەر سالاسىنىڭ وسۋىمەن قامتاماسىز ەتىلدى. سونداي-اق جالپى ىشكى ءونىمنىڭ ۇلعايۋىنا ينۆەستيسيالاردىڭ جوعارى ءوسۋى جانە تومەن ينفلياسيالىق ادىستەر سەپتىگىن تيگىزۋدە.

ينفلياسيا جىل باسىنان بەرى 1،8 پايىزدى قۇرادى، 2017 جىلعى سايكەس كەزەڭدەگىدەن 0،5 پايىزعا تومەن. جىلدىق ماندەگى ينفلياسيا 6،6 پايىزدى قۇرادى. اعىمداعى جىلى 1 ساۋىرگە دەيىن ەلدىڭ حالىقارالىق رەزەرۆتەرى 1،5پايىزعا، 90،4 ملرد اقش دوللارىنا دەيىن ۇلعايدى. التىن ۆاليۋتا رەزەرۆتەرى 1،1 پايىزعا نەمەسە 31،1 ملرد اقش دوللارىنا دەيىن، ۇلتتىق قور اكتيۆتەرى 1،6 پايىزعا نەمەسە 50،3 ملرد اقش دوللارىنا دەيىن ءوستى"، - دەپ مالىمدەدى ق ر ەكونوميكا ءمينيسترى تيمۋر سۇلەيمەنوۆ.

بايانداماسىنىڭ سوڭىندا ەلدەگى ورتاشا ايلىق ەڭبەكاقى كورسەتكىشىنە دە توقستالىپ وتكەن مينيستر ايلىق ەڭبەكاقىنىڭ وسكەنىن مالىمدەدى.

"ەڭبەك نارىعىنداعى جاعداي ورنىقتى بولاپ قالۋدا. اعىمداعى جىلى ناۋرىز ايىندا جۇمىسسىزدىق دەڭگەيى 4،9 پايىز دەڭگەيىندە ساقتالدى.

ەڭبەكاقىنىڭ ءوسۋى بايقالىپ وتىر. ەرەكشە اتاپ وتەتىن جاعداي، اعىمداعى جىلدىڭ ءبىرىنشى توقسانىندا ورتاشا ايلىق ەڭبەكاقى ناقتى كورىنىستە  2،4 پايىزعا ءوسىپ، 153،2 مىڭ تەڭگەنى قۇرادى"، - دەيدى مينيستر