شىعىس قازاقستان وبلىسىنىڭ اكىمى دانيال احمەتوۆ ريددەر قالاسى اكىمى ورىنباسارىنىڭ جاس جىگىتتى قاعىپ كەتۋىنە قاتىستى تۇسىنىكتەمە بەردى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

«بۇل شىنىمەن دە قايعىلى جاعداي. كەشە ول (ريددەر اكىمىنىڭ ورىنباسارى –اۆتور ەسكەرتپ.) قاماۋعا الىندى. بۇگىن ءبىزدىڭ قۇقىق قورعاۋ ورگاندارى ءتيىستى پروسەدۋرانى جالعاستىرىپ جاتىر. مارقۇمنىڭ اتا-اناسىنا كوڭىل ايتىپ، كەشىرىم سۇرادىق. ەندى سوت تەرگەۋىنىڭ اياقتالعانىن كۇتەمى»، — دەدى احمەتوۆ ۇكىمەت وتىرىسىنان كەيىن. 

اكىم ءوز تاپسىرماسى بويىنشا اشىق تەرگەۋ ءجۇرىپ جاتقانىن اتاپ ءوتتى. 

ەسكە سالىپ وتسەك، ريددەر اكىمىنىڭ ورىنباسارى 19 جاستاعى جىگىتتى كولىگىمەن قاعىپ ءولتىردى. جول-كولىك وقيعاسى كەزىندە 45 جاستاعى جۇرگىزۋشى ماس بولعان. 

ءقازىر شەنەۋنىك ۋاقىتشى ۇستاۋ اباقتىسىندا وتىر، ق ر قىلمىستىق كودەكسىنىڭ 345-بابى 3-بولىگى بويىنشا قىلمىستىق ءىس قوزعالدى.