اقپارات جانە كوممۋنيكاسيالار ءمينيسترى داۋرەن ابايەۆ رەسەيلىك جۋرناليست جانە تەلەجۇرگىزۋشى ۆلاديمير سولوۆيەۆتىڭ قازاقستان مەن رەسەي قارىم-قاتىناسىنا قاتىستى ايتقانىنا پىكىر ءبىلدىردى، دەپ حابارلايدى Qamshy.kz اقپارات اگەنتتىگى tengrinews.kz-كە سىلتەمە جاساپ.
«رەسەيلىك جۋرناليست سولوۆيەۆ؟ جوق، كورمەدىم. بۇل تانىمال باعدارلاما ما؟ شىن ءسوزىم ونداي ءجۋرناليستى بىلمەيمىن» دەدى مينيستر جۋرناليستەردىڭ سۇراعىنا.
ەستەرىڭىزگە سالا كەتەيىك، «رەسەي» تەلەارناسىنىڭ جۇرگىزۋشىسى ۆلاديمير سولوۆيەۆ تىكەلەي ەفيردە بۇۇ قاۋىپسىزدىك كەڭەسىندە قازاقستاننىڭ سايلاۋعا ءتۇسۋى تۋرالى پىكىر بىلدىرگەن بولاتىن.
«ءبىز قازاقستانمەن قارىم-قاتىناسىمىز تۋرالى بىردەڭەدەن حابارىمىز جوق پا؟ مۇمكىن ارامىزدان قارا مىسىق وتكەن بولار؟» دەدى سولوۆيەۆ.
«ءبىز قازاقستان مەن نۇرسۇلتان ءابىشۇلىن سىيلايمىز. تەك وسىنداي سىن ساتتەردە نە بولىپ جاتقانىن ءتۇسىنۋدى قالايمىز»، - دەدى رەسەيلىك جۋرناليست.
سولوۆيەۆتىڭ قازاقستان تۋرالى پىكىرىن قازاقستاننىڭ سىرتى ىستەر ءمينيسترىنىڭ ورىنباسارى ەرجان اشىقبايەۆ تا پىكىر ءبىلدىردى.
پىكىر قالدىرۋ